ورىندالماعان رەيستەردىڭ جولاۋشىلارىنا بيلەت قۇنى ايىپپۇلسىز قايتارىلادى
Air Astana اۋە كومپانياسى 17 اقپانعا جوسپارلانعان استانا-فرانكفۋرت-استانا رەيسى ورىندالمايتىنىن حاباردار ەتتى. كومپانيا باسپا ءسوز قىزمەتى بۇل گەرمانياداعى كاسىپوداقتار ەرەۋىلىنە بايلانىستى ەكەنىن ناقتىلادى، دەپ حابارلايدى Almaty-akshamy.kz.
"گەرمانيا اۋەجايلارىنداعى نەمىس كاسىپوداقتارىنىڭ ەرەۋىلىنە بايلانىستى 17 اقپانداعى KC 921/KC 922 - استانا-فرانكفۋرت-استانا رەيسى ورىندالمايدى. ودان كەيىنگى رەيستەر كەستەگە سايكەس جۇزەگە اسىرالادى. ورىندالماعان رەيستەردىڭ جولاۋشىلارىنا بيلەت قۇنى ايىپپۇلسىز قايتارىلادى نەمەسە 2023 جىلدىڭ 10 ناۋرىزىنا دەيىن ورىندالاتىن رەيستەرگە قايتا برونداۋ ۇسىنىلادى. اۋە كومپانياسى ورىن العان قولايسىزدىقتار ءۇشىن وكىنىش بىلدىرەدى"، - دەلىنگەن حابارلامادا.
سونداي-اق اۋە كومپانياسى بيلەتتى قايتارۋ جانە قايتا برونداۋ بويىنشا كومەك ورتالىعىنا حابارلاسۋدى سۇرايدى جانە رەيس مارتەبەسىن اۋە كومپانياسىنىڭ سايتى ارقىلى تەكسەرۋ ۇسىنىلادى.