«كوكجيەك» ىقشاماۋدانىندا مۇمكىندىگى شەكتەۋلى جاندار جولداۋدى تالقىلادى
الماتىدا ەل پرەزيدەنتىنىڭ جولداۋىن تالقىلاۋعا ارنالعان ءتۇسىندىرۋ جۇمىستارى جالعاسىپ جاتىر.
جالپى، سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى. سوندىقتان ەلىمىزدىڭ بولاشاعىن ايقىندايتىن قۇجاتتى تالقىلاۋ بارلىعىمىز ءۇشىن ماڭىزدى. جەتىسۋ اۋدانى، «كوكجيەك» ىقشاماۋدانىندا ورنالاسقان №21 قالالىق ەمحانادا مۇمكىندىگى شەكتەۋلى ادامدارمەن جولداۋدى تالقىلاۋ ءوتتى. كەزدەسۋ بارىسىندا مەملەكەت باسشىسىنىڭ كەڭ اۋقىمدى ماسەلەلەر بويىنشا ناقتى تاپسىرمالار بەرگەنى تۋرالى جان-جاقتى ايتىلدى. اسىرەسە، حالىقتىڭ تۇرمىس جاعدايى، دەنساۋلىق ساقتاۋ جانە حالىققا الەۋمەتتىك كومەك كورسەءتۋدىڭ تۇرلەرى تۋرالى تەرەڭىرەك اقپاراتتار قامتىلدى. ءسوز سويلەگەندەر مەملەكەت باسشىسىنىڭ جولداۋى ەلىمىزدىڭ دامۋى ءۇشىن ايقىن باعىت، باستى باعدار بولاتىنىن اتاپ ءوتتى.
– ءبىزدىڭ ەلىمىز ءقازىر قايتادان قۇرىلۋدا. ءبىز باسقا دەڭگەيگە جەتۋگە تالپىنىس ۇستىندەمىز. ەلىمىزدە رەفەرەندۋم ءوتتى. كوپتەگەن وزگەرىستەر بولىپ جاتىر. بۇرىن دەپۋتاتتار حالىقپەن كەزدەسۋگە جىلىنا ءبىر رەت كەلەتىن ەدى. شىنى كەرەك، حالىق ءتىپتى كوپتەگەن دەپۋتاتتاردى كورمەدى. دەگەنمەن، ءقازىر ءبارى وزگەرىپ جاتىر. ءبىز سىزدەردىڭ قويىپ جاتقان بارلىق ساۋالدارىڭىزدى ءتيىستى ورىندارعا جەتكىزەمىز، – دەدى جەتىسۋ اۋدانى Amanat پارتياسى فيليالى ءتوراعاسىنىڭ ورىنباسارى ەرلان داۆوۆ.
كەزدەسۋ بارىسىندا كوپتەگەن سۇراقتار قويىلىپ، جان-جاقتى اڭگىمە ءورىس الدى.