ءبىز ءوزىمىزدىڭ ادامي پارىزىمىزعا ادالدىق تانىتتىق.
الماتىداعى №7 وقۋشىلار ءۇيىنىڭ ديرەكتورى اينۇر داۋىلبايەۆا كەزەكتەن تىس وتكەن پرەزيدەنت سايلاۋىنا بايلانىستى ءوز پىكىرىن ءبىلدىردى، دەپ حابارلايدى Almaty-akshamy.kz.
«سىندارلى ساتتە ەلىمىز قاسىم-جومارت توقايەۆقا ۇلكەن قولداۋ كورسەتتى. ۇلت بولىپ ۇيىسىپ، مەملەكەتىمىزدىڭ تۇتاستىعىن سەنىمدى ازاماتقا تابىس ەتكەنىمىزدى ايقىنداپ الدىق. وسىناۋ تاريحي سايلاۋداعى قاسىم-جومارت كەمەل ۇلىنىڭ جەڭىسى حالىقتىڭ مەملەكەت باسشىسىنىڭ پروگرەسسيۆتى رەفورمالارى توڭىرەگىندە بىرىگۋىنىڭ ايقىن كورىنىسى بولدى دەر ەدىم. ءبىز ءوزىمىزدىڭ ادامي پارىزىمىزعا ادالدىق تانىتتىق. وسىناۋ ساتتە بارشامىز اۋىزبىرشىلىكتە بولىپ، قازاقستاننىڭ بۇگىنى مەن بولاشاعىنا الاڭداعان ءار ازاماتقا ۇلكەن جاۋاپكەرشىلىك جۇگى ارتىلىپ تۇرعانىن تۇيسىگىمىزبەن تۇسىنگەنىمىز مەنى قۋانتادى. ۇرپاق تاربيەلەۋشى ۇستاز رەتىندە ادىلەتتى قازاقستاندى قۇرۋ جولىنداعى ەڭبەگىمىز جەمىستى بولسىن! ەلىمىزدىڭ كەلەشەگىنىڭ كەمەل دە جارقىن بولۋىنا ءارقايسىمىز اتسالىسايىق دەگىم كەلەدى»،- دەدى اينۇر داۋىلبايەۆا.