برازيليانىڭ داڭقتى فۋتبولشىسى روماريو شەگەگە ىلگەن بۋتسىيىن قايتا كيەتىن بولدى. 58 جاستاعى سپورتشىنىڭ بۇل ارەكتكە بارۋىنا قارجى تاپشىلىعى ەمەس، جۇرەك قالاۋى سەبەپ بولعان دەپ جازادى Globo يۋاسىلىمى.
برازيليا قۇراماسىنىڭ ەكس-شابۋىلشىسى ريو-دە-جانەيرونىڭ «امەريكا» كلۋبىمەن كەلىسىمشارت جاساسقان. كلۋب ەل چەمپيوناتىنىڭ D سەرياسىندا ونەر كورسەتەدى جانە ەڭ قىزىعى، روماريونىڭ ءوزى – وسى كلۋبتىڭ پرەزيدەنتى.
بەلگىلى بولعانداي، روماريو جاستايىنان ءوز ۇلىمەن ءبىر كلۋبتا ونەر كورسەتۋدى ارمانداعان ەكەن. ونىڭ 30 جاستاعى بالاسى رومارينو ءقازىر «امەريكادا» ونەر كورسەتەدى. ەندى ول اكەسىمەن جۇپ قۇرىپ ويناماق.
ال، ارداگەر فۋتبولشى وزىنە تاعايىندالعان جالاقىنى تولىقتاي كلۋب بيۋدجەتىنە قايتا قايتاراتىنىن مالىمدەدى.
روماريو – 1994 جىلعى الەم چەمپيونى. ول برازيليا قۇراماسىندا 70 ماچ وتكىزىپ، 55 گول سوققان. گول سانى جاعىنان نەيمار، پەلە جانە رونالدودان كەيىنگى ءتورتىنشى ورىندا تۇر.