سوتتان كەيىن ستەنداپەر ارنايى ۆيدەو ءتۇسىرىپ، كەشىرىم سۇرادى
الماتىدا ستەنداپ كەزىندە ايەلدەردى بالاعاتتاعان جىگىت قامالدى، دەپ حابارلايدى Almaty-akshamy.kz.
ايتا كەتەيىك، الەۋمەتتىك جەلىدە كەش قوناقتارىنىڭ الدىندا ونەر كورسەتىپ تۇرعان ستەنداپەردىڭ ايەلدەردى قورلايتىن بالاعات ءسوزدى بىرنەشە مارتە قايتالاپ ايتقان ۆيدەوسى تارادى.
كەيىننەن ونىڭ 2000 جىلى تۋعان اندي توپاليديسۋ ەكەنى ءمالىم بولدى.
وسىعان وراي الماتى قالاسى مەدەۋ اۋداندىق پوليسيا باسقارماسى اكىمشىلىك قۇقىق بۇزۋ كودەكسىنىڭ 434-بابى بويىنشا ءىس قوزعادى.
بۇگىن كەشكە الماتى قالاسى بويىنشا مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ول كىنالى دەپ تانىلىپ، 10 تاۋلىككە اكىمشىلىك قاماققا الىندى.
سوتتان كەيىن ستەنداپەر ارنايى ۆيدەو ءتۇسىرىپ، كەشىرىم سۇراعان.