بيىل ايەلدەردىڭ زەينەتكە شىعۋ جاسى 60 جاس بولعان
كەلەسى جىلدىڭ قاڭتارىنان باستاپ، ايەلدەردىڭ زەينەتكە شىعۋ جاسى 60 جاس 6 اي بولىپ بەلگىلەندى، دەپ حابارلادى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
ەسكە سالساق بيىل ايەلدەردىڭ زەينەتكە شىعۋ جاسى 60 جاس بولعان ەدى.
1961 جىلدىڭ ەكىنشى جارتىسىندا دۇنيەگە كەلگەن قازاقستاندىق ايەلدەر زەينەتاقى تولەمدەرىن تاعايىنداۋعا 2021 جىلدىڭ سوڭىنا دەيىن ءوتىنىش بەرۋگە ءتيىس. جىل سوڭىنا دەيىن ءوتىنىش بەرىپ ۇلگەرمەگەن جاعدايدا جارتى جىل كۇتىپ، 2022 جىلدىڭ شىلدەسىنەن كەيىن عانا زەينەتكە شىعا الادى.
2013 جىلى قابىلدانعان «قازاقستاندا زەينەتاقىمەن قامسىزداندىرۋ تۋرالى» زاڭىنىڭ 11 بابىنا سايكەس، ايەلدەردىڭ زەينەتكەرلىك جاسى 2027 جىلعا دەيىن جىل سايىن 6 ايعا ۇزارتىلىپ وتىرادى.
ەڭبەك مينيسترلىگى ءوتىنىش بەرىلگەن كۇننەن باستاپ 10 جۇمىس كۇنى ىشىندە قارالاتىنىن ەسكەرتتى.
2022 جىلى:
– مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 19 450 تەڭگە؛
– ەڭ تومەنگى زەينەتاقى – 46 302 تەڭگە بولماق.