ايدىن راحىمبايەۆ قازاق تىلىنە 150 ملن تەڭگە بەرمەك

ايدىن راحىمبايەۆ قازاق تىلىنە 150 ملن تەڭگە بەرمەك سۋرەت: ينتەرنەتتەن

قازاق ءتىلىن دامىتۋ جوبالارى مەن بايقاۋلارى جاقىندا باستالادى.


BI Group قۇرىلىس حولدينگى Qazaq Tili Endowment Qory-نا 100 ملن تەڭگە كولەمىندە ۇلەس قوسادى. ودان بولەك، قازاق ءتىلىن قولداۋعا ارنالعان ستارتاپتارعا 50 ملن تەڭگە ءبولۋ تۋرالى شەشىم قابىلدادى، دەپ حابارلايدى Almaty-akshamy.kz


BI Group باسشىلىعى مەن حالىقارالىق “قازاق ءتىلى” قوعامى قازاق ءتىلىن دامىتۋ باعىتىنداعى جوبالاردى جۇزەگە اسىرۋ ءۇشىن ۇزاقمەرزىمدى ارىپتەستىك ورناتتى. حولدينگ Qazaq Tili Endowment Qory-نا 100 ملن تەڭگە كولەمىندە ۇلەس قوسادى.


وعان قوسا، BI Group باسشىلىعى مەن حالىقارالىق “قازاق ءتىلى” قوعامى ءتىل ۇيرەنۋگە ارنالعان Qazaq Lingo قوسىمشاسىن دامىتۋ، بالالارعا ارنالعان كىتاپتار مەن وزگە دە ماڭىزدى جوبالاردى بىرلەسە جۇزەگە اسىرۋعا كەلىسىم جاسادى. حولدينگ وسى جوبالاردى جۇزەگە اسىرۋعا 50 ملن تەڭگە بولەدى. حالىقارالىق “قازاق ءتىلى” قوعامى BI Group قولداۋىمەن قازاق تىلىندەگى ساپالى كونتەنت قورىن كوبەيتۋ ءۇشىن ءتۇرلى بايقاۋلار ۇيىمداستىرۋدى دا جوسپارلادى. 



«ءبىزدىڭ كومپانيا ۇلتتىق بىرەگەيلىكتى قالىپتاستىرۋ مەن دامىتۋدا ماڭىزدى سانالاتىن قوعامدىق ىستەردىڭ ۇنەمى باسىندا كەلەدى. ماسەلەن، شەتەلدىك فيلمدەردى قازاق تىلىنە دۋبلياجداۋعا ۇزاق جىلداردان بەرى قارجىلاي قولداۋ كورسەتىپ كەلەمىز. BINOM يننوۆاسيالىق مەكتەپتەرى ىبىراي التىنسارين، قانىش ساتپايەۆ، ءابىش كەكىلبايەۆ سىندى قازاق اعارتۋشىلارى مەن عالىمدارىنىڭ ەسىمدەرىمەن اتالادى. ۇلتتىق كيىم كۇنى، سونداي-اق، قازاق ءتىلى كۇنى ءبىزدىڭ كورپوراتيۆتىك مادەنيەتىمىزدىڭ ءبىر بولشەگىنە اينالدى. سوندىقتان مەملەكەت باسشىسىنىڭ قازاق ءتىلىن دامىتۋ باستاماسىن قولداۋ – ازاماتتىق پارىزىمىز. حالىقارالىق “قازاق ءتىلى” قوعامىمەن ارىپتەستىگىمىز قازاق ءتىلىن دامىتۋعا بايلانىستى كوپ ىسكە مۇرىندىق بولادى دەپ سەنەمىز»، - دەيدى BI Group ديرەكتورلار كەڭەسىنىڭ ءتوراعاسى ايدىن راحيمبايەۆ.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:17

16:14

16:11

16:08

16:06

16:02

15:59

15:56

21:34

21:28

18:28

16:40

14:39

14:11

14:04

13:54

13:28

13:12

09:14

17:55

17:12

16:16

16:13

16:11

16:08