ءماجىلىس دەپۋتاتى ايدوس سارىم جاڭا ءبىرپالاتالى پارلامەنت – قۇرىلتايدى قالىپتاستىرۋدا پروپورسيونالدىق جۇيەسىن قولدايتىنىن ايتتى، - دەپ حابارلايدى Aqshamnews.kz.
كونستيتۋسيالىق رەفورما جونىندەگى كوميسسيانىڭ بەسىنشى وتىرىسىندا بۇل جۇيەنىڭ ناقتى ارتىقشىلىقتارىن دا اتاپ ءوتتى.
ول ق ر جاڭا كونستيتۋسياسىنىڭ جوباسىنا سايكەس بولاشاق قۇرىلتاي ءبىرىڭعاي جالپىۇلتتىق سايلاۋ وكرۋگىنىڭ اۋماعى بويىنشا پروپورسيونالدىق وكىلدىك جۇيە بويىنشا قۇرىلاتىنىن ايتتى.
«پارتيالىق-پروپورسيونالدىق جۇيەگە كوشۋ ازاماتتارىمىزدىڭ مۇمكىندىگىن ازايتادى، ولاردى ەلىمىزدىڭ جوعارعى زاڭ شىعارۋشى ورگانىنا سايلانۋ قۇقىعىنان ايىرادى دەگەن پىكىرلەر بار. مەنىڭ ويىمشا، بۇل وتە جاڭساق پىكىر، قاتە تۇسىنىك»، - دەدى ايدوس سارىم.
ول قازىرگى ۋاقىتتا بەلگيا، يسپانيا، فينليانديا، شۆەيساريا، بولگاريا، شۆەسيا، نورۆەگيا، نيدەرلاندى سياقتى ەۋروپا ەلدەرىندە پارتيالىق-پروپورسيونالدىق سايلاۋ جۇيەسى جۇمىس جاساپ جاتقانى، سونداي-اق مۇنداي جۇيەنىڭ ارگەنتينا، برازيليا، بوليۆيا، ەكۆادور، يزرايل جانە يندونەزيادا دا قولدانىلاتىنى جونىندە مالىمەت بەردى.
«بۇل ەلدەردىڭ سايلاۋشىلارى، زاڭ شىعارۋشىلارى مەن زاڭگەرلەرى وسى جۇيە ازاماتتارىنىڭ سايلاۋ نەمەسە سايلانۋ قۇقىعىن قانداي دا ءبىر تۇردە كەمسىتەدى دەپ سانامايدى. بۇل قالىپتى، سالاۋاتتى حالىقارالىق تاجىريبە»، - دەپ ءتۇسىندىردى دەپۋتات.
ايدوس سارىم ساراپشىلار اتاپ وتكەن پروپورسيونالدىق جۇيەنىڭ ماجوريتارلىق جۇيەمەن سالىستىرعانداعى ناقتى ارتىقشىلىقتارىن سانامالاپ بەردى:
– ادىلەت فاكتورى – پارتيالار سايلاۋشىلار ولار ءۇشىن قانشا داۋىس بەرسە، پارلامەنتتە سونشا ورىن الادى. ماجوريتارلىق دەپۋتاتتار جۇمىس ىستەپ تۇرعان فراكسيالارعا قوسىلۋ ارقىلى حالىقتىڭ قالاۋىن بۇرمالاي المايدى؛