بەلگىلى ساياساتتانۋشى ءارى ءماجىلىس دەپۋتاتى ايدوس سارىم مەملەكەت جانە قوعام قايراتكەرى التىنبەك سارسەنباي ۇلىنىڭ ولىمىنە قاتىستى ءوز پىكىرىن ءبىلدىردى. «Sadaq media» ارناسىنا بەرگەن سۇحباتىندا ول بۇل قىلمىسقا نۇرسۇلتان نازاربايەۆتىڭ قاتىسى بار دەگەن تۇجىرىمدى نەگىزسىز دەپ اتادى، دەپ حابارلايدى aqshamnews.kz
— بۇل وقيعادا نازاربايەۆتى ايىپتاۋعا دالەل جوق. راس، كەزىندە رىسبەك سارسەنبايەۆ اعامىز ەموسيامەن ءبىراز پىكىر ايتتى، ءالى دە ايتىپ ءجۇر. ءبىراق ادىلەت بولۋى ءۇشىن ناقتى ايعاق كەرەك. نازاربايەۆتىڭ اتى جاناما تۇردە اتالعانىمەن، ونى ناقتى دالەلدەگەن ەشكىم جوق. مەن ءوز باسىم بۇل ىسكە راحات الييەۆتىڭ قاتىسى بولۋى مۇمكىن دەپ ەسەپتەيمىن، – دەدى ايدوس سارىم.
دەپۋتاتتىڭ ايتۋىنشا، ول كەزىندە التىنبەك سارسەنبايۇلىمەن تىعىز جۇمىس ىستەگەن، كوپتەگەن قۇجاتتارىن ازىرلەۋگە اتسالىسقان.
— التىنبەكتىڭ قاسىندا جۇرگەن رىسبەك ەمەس، مەن بولدىم. سوندىقتان بۇل — مەنىڭ دە جەكە تاجىريبەم مەن بايقاعاندارىم، – دەدى ول.
سونىمەن قاتار، سارىم مارقۇم ساياساتكەردىڭ مىنەزىنە دە توقتالدى.
— التىنبەك كەزىندە وتە كەكشىل ادام بولدى. كوپ ادامدى ۇناتپايتىن. ماسەلەن، سەرىك ءابدراحمانوۆ پەن بالتاش تۇرسىنبايەۆتى جاقتىرمايتىن. ءبىراق ۋاقىت وتە كەلە وزگەردى. ءومىرىنىڭ سوڭعى كەزەڭىندە بۇرىنعى رەنىشتەرىن ۇمىتىپ، كوپشىلىكپەن تاتۋلاسىپ، سابىرلى بولا باستادى، – دەيدى دەپۋتات.