حالىقارالىق ساراپشى ايدار تاينوۆ، بىرنەشە جىل بويى اەحا-دا (اتوم ەنەرگەتيكاسى جونىندەگى حالىقارالىق اگەنتتىگى) جۇمىس ىستەپ، الەمنىڭ ءتۇرلى ەلدەرىندەگى اتوم ەنەرگەتيكاسى جوبالارىنا قاتىسقان. ول قازاقستاننىڭ اەس سالۋ تۋرالى شەشىمى – ەلىمىزدىڭ دامۋىنا ۇلكەن مۇمكىندىك دەپ سانايدى.
"قازىرگى تاڭدا الەمنىڭ 30-دان استام مەملەكەتى اەس-تى پايدالانىپ وتىر، ال اەس سالۋعا نيەتتى تاعى 30-عا جۋىق ۇمىتكەر مەملەكەت بار. قازاقستان سولاردىڭ الدىڭعى قاتارىندا"، – دەيدى ول.
ساراپشىنىڭ پىكىرىنشە، اتوم ەنەرگەتيكاسى – ەكولوگيالىق تۇرعىدان تازا ءارى تۇراقتى ەنەرگيا كوزى، ال ەلىمىزدىڭ وسى سالاعا بەت بۇرۋى – بولاشاققا سالىنعان ماڭىزدى قادام.