ايدا ساتىبالدينوۆا كاسىبي كارەراسىندا التىنشى جەڭىسىنە قول جەتكىزدى.
قازاقستاندىق بوكسشى ايدا ساتىبالدينوۆا (5-2-1، 2 كو) كومەرستە (اقش، كاليفورنيا شتاتى) تيتۋلدىق جەكپە-جەك وتكىزدى، دەپ جازادى Almaty-akshamy.kz Egemen.kz سىلتەمە جاساپ.
ول گايتي ارۋى دجايكا پاۆيلۋسپەن (3-5-1، 1 كو) قولعاپ ءتۇيىستىردى. بۇل كەزدەسۋ تيتۋلدىق سيپاتقا يە بولدى. ويتكەنى GBO نۇسقاسى بويىنشا جەڭىل سالماقتاعى چەمپيوننىڭ بەلبەۋى ساراپقا سالىندى ءارى ويىن التى راۋندقا ەسەپتەلگەن.
ونىڭ قورىتىندىسى بويىنشا، تورەشىلەردىڭ ءبىر اۋىزدان قابىلداعان شەشىمىمەن ساتىبالدينوۆا جەڭىسكە جەتتى.
وسىلايشا، ايدا ساتىبالدينوۆا كاسىبي كارەراسىندا التىنشى جەڭىسىنە قول جەتكىزىپ، GBO نۇسقاسى بويىنشا چەمپيوندىق بەلبەۋدى ۇتىپ الدى. ال دجايكا پاۆيلۋس التىنشى رەت جەڭىلىس تاپتى.
ايتا كەتەيىك، ايدا ساتىبالدينوۆا ءۇشىن بۇل ءۇش جىل ۇزىلىستەن كەيىنگى العاشقى جەكپە-جەك بولدى. ول سوڭعى رەت 2019 جىلدىڭ شىلدەسىندە شارشى الاڭدا ونەر كورسەتكەن.