مادەنيەت جانە اقپارات ءمينيسترى ايدا بالايەۆا قازاقستان جازۋشىلار وداعى باسقارماسىنىڭ ءتوراعاسى مەرەكە قۇلكەنوۆپەن كەزدەستى.
ايدا بالايەۆا قالامگەرلەردىڭ ەل بىرلىگىن نىعايتۋداعى، ۇلتتىق قۇرىلتايدا اتاپ وتىلگەن قوعامدىق قۇندىلىقتاردى دارىپتەۋدەگى ءرولىن ەرەكشە اتاپ ءوتتى، دەپ حابارلايدى aqshamnews.kz.
سونداي-اق مينيستر جازۋشىلار وداعىمەن بىرلەسكەن مادەني-شىعارماشىلىق ءىس-شارالار وتكىزۋ ارقىلى قالامگەرلەرگە ۇدايى قولداۋ كورسەتىپ، ىنتىماقتاستىقتى دامىتۋعا نيەتتى ەكەنىن ايتتى.
اتاپ ايتقاندا، بيىل مادەنيەت جانە اقپارات مينيسترلىگى جازۋشىلار وداعىمەن ستراتەگيالىق ارىپتەستىك اياسىندا «جازۋشىلاردىڭ ادەبي شەبەرلىك مەكتەبى»، «جاڭا قازاقستاننىڭ ادەبي-تانىمدىق پانوراماسى» جانە «تمد ەلدەرىنىڭ ارحيۆتەرىندەگى قازاقستاندىق جازۋشىلاردىڭ زەرتتەۋ جۇمىستارى» جوبالارىن بىرلەسە جۇزەگە اسىرماق.
كەزدەسۋدە جازۋشىلار وداعىنىڭ مەرەيلى 90 جىلدىعىنا جانە بەردىبەك سوقپاقبايەۆ، ءابىش كەكىلبايەۆ، فاريزا وڭعارسىنوۆا، وسپانحان اۋباكىروۆ، ءىلياس جانسۇگىروۆ، گەرولد بەلگەر، ءابدىجامىل نۇرپەيىسوۆ سەكىلدى كورنەكتى قالامگەرلەردىڭ مەرەيتويىنا ارنالعان بىرلەسكەن ءىس-شارالار جوسپارى جان-جاقتى تالقىلاندى.
سونداي-اق جازۋشىلار وداعىنىڭ 90 جىلدىعىنا وراي اباي، تۇركىستان، اتىراۋ وبلىستارىندا جانە استانا، الماتى قالالارىندا ءتۇرلى تاقىرىپتاردا ارنايى پلەنۋم ۇيىمداستىرىلادى، ال قاراشا ايىندا مەرەيتويلىق سالتاناتتى جيىن وتەدى.
مەرەكە قۇلكەنوۆ جازۋشىلار وداعىنىڭ جاڭا شىعارماشىلىق جوبالارى مەن ادەبيەتتەگى قازىرگى وزەكتى ماسەلەلەردى ورتاعا سالىپ، مەملەكەت تاراپىنان قالامگەرلەر قاۋىمىنا كورسەتىلىپ جاتقان قولداۋعا ريزاشىلىعىن ءبىلدىردى.
ايتا كەتسەك، بيىل قازاقستان جازۋشىلار وداعىنىڭ قۇرىلعانىنا – 90 جىل. بۇگىندە قوعامدىق ۇيىم 1000-نان اسا اۆتوردى بىرىكتىرەدى.