ق ر مادەنيەت جانە سپورت مينيسترلىگى جاريالاعان «ايبوز» ۇلتتىق ادەبي سىيلىعىنا بۇگىنگى كۇنگە دەيىن 39 ءوتىنىم كەلىپ تۇسكەن.
ونىڭ ىشىندە «ۇزدىك پروزا» نوميناسياسىنا – 15 شىعارما، «ۇزدىك دراما» بويىنشا – 1 ءوتىنىم، «ۇزدىك پوەزيا» - 14، «ۇزدىك ادەبي سىن» اتالىمى بويىنشا – 1 ءوتىنىم، «ۇزدىك ادەبي اۋدارما» - 2، «ۇزدىك بالالار ادەبيەتى» - 4، «ۇزدىك كوميكس» - 2 ءوتىنىم.
ەسكە سالا كەتسەك، ادەبي سىيلىقتىڭ جالپى جۇلدە قورى – 35 ملن تەڭگە. ءار نوميناسياعا 5 ملن تەڭگەدەن قاراستىرىلعان.
ۇمىتكەرلەر وتىنىمدەرىن 2023 جىلعى 1 مامىر – 1 قىركۇيەك ارالىعىندا www.aiboz.kz سايتى ارقىلى جىبەرۋ قاجەت. ادەبي سىيلىق جىل سوڭىندا تابىستالادى. بايقاۋعا وتاندىق قالامگەرلەر قاتىسا الادى جانە ۇمىتكەرلەردىڭ جاس ەرەكشەلىگىنە شەكتەۋ جوق.
««ايبوز» – وتاندىق قالامگەرلەرگە مەملەكەت تاراپىنان قولداۋ كورسەتۋ جانە ىنتالاندىرۋ ماقساتىندا مادەنيەت جانە سپورت مينيسترلىگى ۇيىمداستىراتىن ۇلتتىق ادەبي سىيلىق. بايقاۋعا بۇرىن-سوڭدى ەش جەردە جاريالانباعان شىعارمالار عانا قابىلدانادى. بۇل قازاق ادەبيەتىنىڭ قورى 7 نوميناسيا بويىنشا جۇزدەگەن جاڭا تۋىندىمەن تولىعادى دەگەن ءسوز. سونداي-اق قالامگەرلەر اراسىندا باسەكە پايدا بولىپ، سونىڭ ناتيجەسىندە وقىرمانعا وزەكتى، قىزىقتى ءارى زاماناۋي شىعارمالار جول تارتادى»،- دەدى ق ر مسم ارحيۆ، قۇجاتتاما جانە كىتاپ ءىسى كوميتەتى كىتاپ ءىسى باسقارماسىنىڭ باسشىسى الماز مىرزاحمەت.