بەلگرادتا وتكەن الەم چەمپيوناتىندا قازاق بوكسشىلارى 5 مەدالعا يە بولدى
بوكستان بەلگرادتا وتكەن الەم چەمپيوناتى اياسىندا قازاقستان بوكس فەدەراسياسىنىڭ پرەزيدەنتى كەڭەس راقىشيەۆ AIBA پرەزيدەنتى ۋمار كرەملوۆپەن كەزدەستى، دەپ حابارلايدى Almaty-akshamy.kz بوكس فەدەراسياسىنا سىلتەمە جاساپ.
«كەزدەسۋ دوستىق پەيىلدە ءوربىدى. اڭگىمە بارىسىندا قوس تاراپ باسشىلارى قازاقستاندىق جانە الەمدىك بوكستىڭ دامۋى جونىندە پىكىر الماستى. كەلىسىمدەر ناتيجەسىندە AIBA پرەزيدەنتى ۋمار نازار ۇلى قازاقستانعا ارنايى كەلۋگە كەلىستى. قۇرمەتتى قوناقتىڭ كەلۋى اعىمداعى جىلدىڭ قاراشا ايىندا دەپ كۇتىلۋدە»،-دەلىنگەن حابارلامادا.
بوكستان قازاقستان ۇلتتىق قۇراماسى بەلگرادتا وتكەن الەم چەمپيوناتىندا 5 مەدالعا يە بولدى!
تەمىرتاس ءجۇسىپوۆ پەن ساكەن بيبوسىنوۆ جەڭىمپاز اتانسا، ماحمۋد سابىرحان مەن سەرىك تەمىرجان كۇمىسپەن كۇپتەلدى. ال قۇراما كاپيتانى ابىلايحان ءجۇسىپوۆ قولا جۇلدە ەنشىلەدى. ءبىزدىڭ قۇراما جالپى كوماندالىق ەسەپتە ەكىنشى ورىنعا يە بولدى!