ەنەرگەتيكا ۆيسە-مينيسترى سۇڭعات ەسىمحانوۆ اي-92 ماركالى بەنزين مەن ديزەل وتىنى باعاسىن ودان ءارى كوتەرۋگە موراتوريي ەنگىزىلەتىنىن ايتتى.
«مەملەكەت باسشىسىنىڭ الەۋمەتتىك جاعدايدى تۇراقتاندىرۋ بويىنشا بەرگەن تاپسىرمالارىنا سايكەس بارلىق جۇمىستار جۇرگىزىلۋدە. ەڭ الدىمەن جانارماي باعاسىنىڭ كوتەرىلمەۋ ماسەلەسىن قاراستىرىپ جاتىرمىز. بۇگىننەن باستاپ موراتوريي جاريالانادى. ەنەرگەتيكا مينيسترلىگى باسەكەلەستىكتى قورعاۋ جانە دامىتۋ اگەنتتىگىمەن جانە ءوڭىر اكىمدىكتەرىمەن بىرلەسىپ ءتيىستى جۇمىستاردى جۇرگىزۋدە.
سونىمەن قاتار ەلەكتر ەنەرگياسى، جىلۋ سالاسىنداعى تاريفتەردىڭ دە كوتەرىلمەۋىن قاداعالاۋدامىز. جۇمىس بىرنەشە باعىتتا جۇرگىزىلەتىن بولادى – بۇل ىشكى شىعىنداردى وڭتايلاندىرۋ جانە كومىردىڭ تۇراقتى باعاسىن، سونداي-اق تەمىرجول تاريفتەرىن قامتاماسىز ەتۋ. جاقىن ارادا كوممۋنالدىق قىزمەتتەر تاريفتەرىن كوتەرۋگە موراتوريي جاريالانادى. بۇنىڭ بارلىعى پرەزيدەنتتىڭ بەرگەن تاپسىرماسىنا سايكەس جۇزەگە اسادى» — دەدى ەنەرگەتيكا ۆيسە-مينيسترى.