ەنەرگەتيكا مينيسترلىگى جانار-جاعارماي قورى تۋرالى حابارلادى.
اتىراۋ مۇناي وڭدەۋ زاۋىتىندا اۆاريالىق جاعدايلاردى جويۋ جانە وقشاۋلاۋ جوسپارلارىنىڭ تالاپتارىنا سايكەس، وبەكتىلەر توقتاتىلىپ، تەحنولوگيالىق گاز الاۋ قوندىرعىلارىنا جىبەرىلدى، دەپ حابارلايدى Almaty-akshamy.kz
ەلەكتر ەنەرگياسىنىڭ ءسونۋ سەبەپتەرى انىقتالۋدا، اقپارات قوسىمشا ۇسىنىلادى.
بۇل رەتتە شىمكەنت ءموز اي-95 اۆتوبەنزينىن شىعارۋدى شەكتەي وتىرىپ، جۇمىسىن جالعاستىرۋدا.
قازىرگى ۋاقىتتا ەلدەگى جانار-جاعارمايدىڭ جيىنتىق قورى (مۇناي بازالارىندا، ءموز جولدارىندا جانە رەزەرۆۋارلارىندا):
اي – 92 اۆتوبەنزينى - 351 مىڭ. توننا، بۇل ەلدىڭ 23 تاۋلىكتىك قاجەتتىلىگىن قامتاماسىز ەتۋگە جەتكىلىكتى؛
اي – 95 - 46 مىڭ توننا (15 تاۋلىك)؛ - ديزەل وتىنى - 520 مىڭ توننا (29 تاۋلىك).
"بيىلعى ججم قورلارى ەلدىڭ قاجەتتىلىگىن تولىق كولەمدە قامتاماسىز ەتەدى جانە شىمكەنت جانە پاۆلودار ءموز جوندەۋدەن شىققان ساتكە دەيىن جەتكىلىكتى. بۇقارالىق اقپارات قۇرالدارى مەن جۇرتشىلىقتان جاساندى شۋ شىعارماۋدى سۇرايمىز"، - دەلىنگەن ەنەرگەتيكا مينيسترلىگىنىڭ حابارلاماسىندا.