ەكواكسيانى كورنەكتى مەملەكەت جانە قوعام قايراتكەرى مۇرات اۋەزوۆ جالعاستىرىپ، ءارى قاراي بارشا الماتىلىقتارعا جولدادى.
ءبىز، قازاقتار، ءوز جەرىمىزدەن باسقا وتانىمىز جوق دەپ سانايمىز، ال بۇل عارىشتىق، پلانەتالىق ماسشتابتاعى اعاشتاردىڭ جەردەن باسقا وتانى جوق. ەگەر ءبارىمىز اعاشتاردى سۋارىپ، ءومىر سىيلاساق، ءبىز ءوزىمىزدى جوعالتپايمىز. بىزگە قوسىلىڭىزدار!
گازەتىمىزدىڭ وتكەن ساندارىندا «Alataý اqparat» مەدياحولدينگى («Almaty aqshamy»، «ۆەچەرنيي Almaty» گازەتتەرى) ۇجىمىنىڭ تاۋەلسىزدىگىمىزدىڭ 30 جىلدىعىنا وراي «اعاشتاردى ايالايىق!» اتتى چەللەندجدى باستاعانى تۋرالى حابارلاعان ەدىك.
«Alataý اqparat» ج ش س «اعاشتاردى ايالايىق!» چەللەندجى اياسىندا مەكەمە اينالاسىنداعى اعاشتار مەن بىلتىر اباي داڭعىلىنىڭ بويىنا وزدەرى وتىرعىزعان جاسىل جەلەكتى سۋعارعان بولاتىن. سونداياق، وسى چەللەندجدى قازاقستان جۋرناليستەر وداعىنا، «نوۆوە پوكولەنيە»، «قازاق ءۇنى» گازەتتەرىنىڭ ۇجىمىنا جولداعان. ۇيىمشىل ۇجىمنىڭ چەللەندجدىن العاشقىلاردىڭ ءبىرى بولىپ قازاقستان جۋرناليستەر وداعى جالعاستىرعان ەدى.
ەكواكسيانى كورنەكتى قوعام قايراتكەرى، مادەنيەتتانۋشى، جازۋشى مۇرات اۋەزوۆ قابىل الىپ، ارى قاراي جولدادى.
– كەز كەلگەن يدەيا ناقتى ادامدار ارقىلى جۇزەگە اسادى، كەز كەلگەن يگى ءىس ونى جاساعانداردىڭ ەسەبىنەن ءومىر سۇرەدى جانە ودان شابىت الادى. قالالىق گازەتتەر يگى ءىس جاساپ جاتىر. مەن بۇل جەر بەتىندە 80 جىل ءومىر ءسۇرىپ كەلەمىن جانە بۇل تۋرالى ايتۋعا قۇقىم بار. الماتى ءارقاشان جاسىل جەلەكتەرمەن، سۋارمالى ارىقتارمەن، گۇلزارلارمەن، سۋبۇرقاقتارمەن ايگىلى بولدى، سوندىقتان اعاشتاردىڭ قۋراۋىنا جول بەرمەيىك، – دەيدى .
اعاش تۋرالى تۇسىنىك ادام ساناسىنا ەجەلدەن ەنگەن قىزىقتى تاقىرىپتاردىڭ ءبىرى دەۋگە بولادى. وعان دەگەن سۇيىسپەنشىلىك پەن قۇرمەت ۋاقىت شەكتەۋىنەن باستاپ ەپوستار، اڭىزدار، ادەبي تۋىندىلار، قولونەر مەن جەردەگى بارلىق حالىقتاردىڭ ونەر تۋىندىلارى ارقىلى جول تابادى. مىسالى، داوس موناستىرلارىندا اعاش وسەتىن كەزدە ولاردىڭ رۋحاني ءومىرىنىڭ تولۋ دارەجەسىن انىقتاۋعا بولادى دەپ ەسەپتەلگەن. ەگەر ولار جاقسى، ءتۇزۋ بوي تۇزەپ، مىقتى بۇتاقتارى مەن ءتاجى بار بولسا، وندا موناستىردەگى اتموسفەرا جاقسى دەگەندى بىلدىرەدى.
قازاقتاردا «شەجىرە» دەگەن ءسوز اسىل تۇقىم دەگەنگە سايادى. ال اعاشتاردا بۇل جىلدىق ساقينالار بولىپ تابىلادى. ولاردىڭ كومەگىمەن ءومىر تۋرالى، سونداي-اق ادامنىڭ شەجىرەسى تۋرالى كوپ نارسەنى بىلۋگە بولادى. عاسىرلار بويى ولار بۇل اقپاراتتى بويىندا ساقتاعان. اعاشتار – بارلىق تىرشىلىك يەلەرىنىڭ جادى دەسەك بولادى.
– بۇكىل جەردە ءورت تۇتانىپ جاتقانى ءبىرىنشى جىل ەمەس. قاسيەتتى جەرلەر ورتەنىپ جاتىر. بۇل – وركەنيەت ءۇشىن ۇلكەن كۇنا ءارى سۋيسيد. بارلىق ورماندار ورتەنىپ كەتپەس بۇرىن، ءبىزدىڭ سانامىز ولەدى. ءبىز، قازاقتار، ءوز جەرىمىزدەن باسقا وتانىمىز جوق دەپ سانايمىز، ال بۇل عارىشتىق، پلانەتالىق ماسشتابتاعى اعاشتاردىڭ جەردەن باسقا وتانى جوق. سوندىقتان مەن نيكولاي گۋميليەۆتىڭ «نا لاسكوۆوي زەملە، سەسترە زۆەزدام، مى – نا چۋجبينە، ا وني – ۆ وچيزنە» دەگەن جولدارىن ەسكە تۇسىرەمىن، – دەدى عالىم.
– اعاشتاردىڭ تامىرى، ءدىڭى، بۇتاقتارى مەن جاپىراقتارى – ادامزات بالاسىنىڭ سيمۆولى، ال بۇگىن ءبىز تامىرىمىزدى كەسسەك، تابيعات وعان شىدامدىلىق تانىتپايدى. اعاش – ادامعا ءوزىن جوعالتپاۋ ءۇشىن بەرىلگەن قاسيەتتى سىيلىق. ەگەر ءبارىمىز اعاشتاردى سۋارىپ، ءومىر سىيلاساق، ءبىز ءوزىمىزدى جوعالتپايمىز. بىزگە قوسىلىڭىزدار !