اعاشتارعا قامقورلىق جاسالۋدا.
الماتى قالاسىنداعى اعاشتارعا قامقورلىق جاساۋ چەللەندجى جالعاسۋدا. اسىرەسە، جاز مەزگىلىنىڭ اپتاپ ىستىعىندا جاسىل جەلەك اتاۋلىنىڭ بارلىعىنا دەرلىك جاقسى كۇتىم كەرەك. بىزدەر شولدەگەن اعاشتىڭ كۇيىن تەرەڭ تۇسىنۋگە تىرىسىپ، پەندە رەتىندە ءشولدىڭ قالاي بولاتىنىن سەزىنەمىز. سول سەبەپتى كەز كەلگەن تىرشىلىك يەسىنىڭ ومىرىندە سۋدىڭ الاتىن ورنى ءبىر بولەك.
بيىلعى جاز بۇرىنعىدان وزگەشەلەۋ بولىپ تۇر. ەرەكشە اپتاپ ىستىق كۇندەر وتۋدە. قالا اۋماعىنداعى جاسىل جەلەك تە قۋاڭشىلىقتى سەزىنگەندەي. ءدال بۇرىنعىداي جاپ-جاسىل كۇيگە ەنە الماي، قولداۋعا ءزارۋ كۇي كەشۋدە. ادامزاتتان ءبىر جىلىلىق پەن ءومىر ءنارىن كۇتىپ تۇرعانداي.
وسى رەتتە «Alataý اqparat» ج ش س «اعاشتاردى ايالايىق!» چەللەندجىن قولعا الىپ، مەكەمە اينالاسىنداعى، سونداي-اق بىلتىر اباي داڭعىلىنىڭ بويىنا وزدەرى وتىرعىزعان جاسىل جەلەككە سۋ قۇيا باستادى. اتالعان چەللەندجدىڭ ماقساتى مەن مۇراتى – قالاداعى بارلىق مەكەمەنى وزىنە قاراستى، سونداي-اق جاقىن ماڭداعى اعاشتارعا قامقورلىق جاساۋعا شاقىرۋ.
«Almaty aqshamy» مەن «ۆەچەرنيي Almaty» گازەتتەرىنىڭ قىزمەتكەرلەرى قولدارىنا شەلەك الىپ، جاقسى ءىستى باستاپ تا كەتتى. وسى ورايدا، وزگە ارىپتەستەرىمىزدى دە چەللەندجدى جالعاستىرۋعا شاقىرامىز. ايتا كەتەيىك، «Alataý اqparat» ىزگى باستامانى قازاقستان جۋرناليستەر وداعىنا، «ۆەچەرنيي Almaty» – «نوۆوە پوكولەنيە» گازەتىنە، ال «Almaty aqshamy» – «قازاق ءۇنى» گازەتىنە جولدانعان بولاتىن.
اتالمىش جولداۋدىڭ بۇگىنگى باعىتى ءوز يەسى تاپتى. قازاقستان جۋرناليستەر وداعىنىڭ باسشىسى سەيىتقازى ماتايەۆتان جازۋشىلار وداعىنا ءوتتى. بۇل چەللەندجدى وداق ءتوراعاسى ۇلىقبەك ەسداۋلەت قابىلداپ الدى. وسىلايشا «Alataý اqparat» ج ش س «اعاشتاردى ايالايىق!» چەللەندجى ءوز جالعاسىن تابۋدا.