سپورتشى قارسىلاسىن ءۇشىنشى راۋندتا قىلقىندىرۋ ادىسىمەن جەڭدى.
اسا جەڭىل سالماقتا ونەر كورسەتەتىن قازاقستاندىق ماريا اگاپوۆا (10-2) UFC-دەگى ەكىنشى جەڭىسىنە قول جەتكىزدى. لاس-ۆەگاستاعى (نيەۆادا، اقش) UFC Vegas 39 تۋرنيرىندە ول كولۋمبيالىق سابينا مازونى جەڭدى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
24 جاستاعى سپورتشى قارسىلاسىن ءۇشىنشى راۋندتا قىلقىندىرۋ ادىسىمەن جەڭدى.
جەكپە-جەك بويى ەكى فايتەر دە بەلسەندى بولىپ، شابۋىلداۋعا تىرىستى. ءبىراق باسىمدىق قازاقستاندىق سپورتشىدا بولدى. ءۇشىنشى راۋندتا مازو جەكپە-جەكتى بەلسەندى وتكىزە باستادى، ءبىراق ماريا دا ءساتى كەلگەندە شابۋىل جاساپ تۇردى. اگاپوۆانىڭ ءبىر سوققىسى قارسىلاسقا ءدوپ ءتيىپ، سابينا نوكداۋنعا ءتۇستى. ارتىنشا قازاقستاندىق سپورتشى قىلقىندىرۋ ءادىسىن جاساپ، جەڭىسكە جەتتى.
ەسكە سالايىق، بۇل اگاپوۆانىڭ الەمدىك پروموۋشەندەگى ءۇشىنشى جەكپە-جەگى بولدى. كەيىنگى رەت وكتاگونعا 2020 جىلى تامىزدا شىعىپ، امەريكالىق شەنا دوبسوننان تەحنيكالىق نوكاۋتپەن جەڭىلگەن. سول كەزدەسۋدەن ەكى اي بۇرىن UFC-دە دەبيۋتىن وتكىزىپ، امەريكالىق حاننا سايفەرستى جەڭگەن بولاتىن.