2023 جىلدا قالادا جاستارعا ءار اۋداندا ارنالعان 8 كوميۋنيتي ورتالىعى اشىلدى. سولاردىڭ ءبىرى اباي داڭعىلى، 164 مەكەنجايىندا ورنالاسقان. ورتالىقتان جاستار جۇمىسقا ورنالاسۋ جايىندا، سونداي-اق پسيحولوگيالىق جانە زاڭگەرلىك كومەك الا الادى.
زەينەت جاسىنداعى ادامدار ءۇشىن وسى جىلى اقپان ايىندا سەيفۋللين داڭعىلى، 597 مەكەنجايىندا بەلسەندى ۇزاق ءومىر ءسۇرۋ ورتالىعىنىڭ جاڭا فيليالى اشىلدى جانە ول كۇنىنە 200 ادامعا دەيىن قابىلداي الادى. ول جەردە اعا بۋىن وكىلدەرى تەگىن مەديسينالىق قىزمەتتەر الىپ، سپورت سەكسيالارىنا قاتىسا الادى.