بريتانيالىق ساراپشىلاردىڭ پايىمداۋىنشا، الداعى 50-100 جىل ىشىندە الەم تولىقتاي تازا ەنەرگياعا كوشەدى.
وسىعان بايلانىستى يادرولىق ەنەرگەتيكاعا كوشۋ وتە ماڭىزدى.
سايمون مارشالل — دۇنيەجۇزىلىك ەنەرگەتيكالىق كونگرەستىڭ وكىلى. شتاب-پاتەرى لوندوندا ورنالاسقان بۇل ۇيىممەن الەمنىڭ 100-گە جۋىق مەملەكەتى جۇمىس ىستەيدى. كونگرەستىڭ باستى ماقساتى — ەنەرگەتيكا سالاسىنىڭ بۇگىنى مەن بولاشاعىن تالقىلاۋ ءۇشىن الەم ساراپشىلارىن بىرىكتىرۋ، دەپ حابارلايدى aqshamnews.kz.
«قازەنەردجي» قازاقستان مۇناي-گاز جانە ەنەرگەتيكا كەشەنى ۇيىمدارىنىڭ قاۋىمداستىعى دا كونگرەسپەن تىعىز جۇمىس ىستەيدى.
مارشاللدىڭ پىكىرىنشە، اتوم ەلەكتر ستانسياسىن سالۋدىڭ كوپتەگەن ارتىقشىلىقتارى بار:
«اەس قۇرىلىسى كەزىندە جانە پايدالانۋعا بەرىلگەننەن كەيىن جۇمىس ورىندارى پايدا بولادى. تازا جانە سەنىمدى ەنەرگيا كوزى ەنەرگەتيكالىق تاۋەلسىزدىككە قول جەتكىزۋگە كومەكتەسەدى. بۇل سىرتتان اكەلىنەتىن ەنەرگيا كوزدەرىنە قاجەتتىلىكتى ازايتادى. ەڭ ماڭىزدىسى — اەس ەكولوگيالىق تازا ەنەرگيا بەرەدى»، — دەيدى دۇنيەجۇزىلىك ەنەرگەتيكالىق كونگرەستىڭ وكىلى سايمون مارشالل.