قازاقستاندا اەس سالۋ بويىنشا قوعامدىق تالقىلاۋ بارىسىندا ەكولوگيا جانە تابيعي رەسۋرستار ۆيسە-مينيسترى جومارت الييەۆ اتوم ەلەكتر ستانسيالارى ەكولوگيا تۇرعىسىنان بارىنشا ءتيىمدى ەكەنىن اتاپ ءوتتى.
«بۇل داۋسىز دەرەك. ەلەكتر ەنەرگياسىن وندىرەتىن كەز-كەلگەن باسقا وبەكت قورشاعان ورتاعا بەلگىلى ءبىر دارەجەدە زيان كەلتىرەدى. كومىر ستانسيالارى اتموسفەراعا لاستاۋشى زاتتاردىڭ كوپ مولشەرىن شىعارادى، گيدروەلەكتروستانسيالار ۇلكەن اۋماقتا سۋ باسۋى مۇمكىن، ءتىپتى جاڭارتىلاتىن ەنەرگيا كوزدەرى شۋ اسەرىن تۋدىرادى جانە فلورا مەن فاۋناعا كەرى اسەرىن تيگىزەدى. ەلەكتر ەنەرگياسىن الۋدىڭ بارلىق تاسىلدەرىنىڭ ىشىنەن ەكولوگيالىق تازا جانە ءقاۋىپسىزىن تاڭداۋ قاجەت»، - دەدى سپيكەر.
سونىمەن قاتار، ۆيسە-مينيستر قازاقستاندا كەز كەلگەن ەلەكتر ستانسيالارىن سالۋعا قويىلاتىن تالاپتار ەكولوگيالىق زاڭناماعا سايكەس كۇشەيتىلگەنىن ەسكە سالدى.
«ەگەر رەفەرەندۋمدا اەس سالۋ تۋرالى شەشىم قابىلدانسا، وندا بارلىق كەيىنگى ارەكەتتەر مىندەتتى تۇردە جالپى حالىقتىڭ قاتىسۋىمەن ەكولوگيالىق ساراپتاما وبەكتيۆىنەن وتەدى»، - دەپ تولىقتىردى جومارت الييەۆ.