ق ر پارلامەنتى سەناتىنىڭ دەپۋتاتى ءالي بەكتايەۆ تۇركىستان وبلىسىندا بولىپ، بايدىبەك اۋدانىنىڭ اۋىل شارۋاشىلىعى، ءبىلىم، مەديسينا سالالارىنىڭ قىزمەتكەرلەرىمەن جانە كاسىپكەرلەرىمەن كەزدەستى، دەپ حابارلايدى aqshamnews.kz
كەزدەسۋ بارىسىندا اگرارلىق سالانىڭ قازىرگى جاعدايى، ماماندار دايارلاۋ، مەديسينالىق قىزمەتتەردىڭ ساپاسىن ارتتىرۋ، سونداي-اق اتوم ەنەرگەتيكاسىن دامىتۋ جايى تالقىلاندى.
سەناتور اتوم ەنەرگياسىن ەلەكتر قۋاتىن ءوندىرۋدىڭ سەنىمدى جانە ۇنەمدى كوزى رەتىندە اتاپ ءوتتى. ونىڭ اۋىل شارۋاشىلىعى، سۋارۋ جۇيەلەرى، جىلىجاي ءوندىرىسى سەكىلدى سالالاردا ءتيىمدى جۇمىس ىستەۋگە ىقپال ەتەتىنىن جانە اۋىل شارۋاشىلىعى ونىمدەرىنىڭ حالىققا قولجەتىمدى بولۋىنا اسەر ەتەتىنىن ايتتى.
«اەس قۇرىلىسى بۋلانۋ گازدارىنىڭ شىعارىندىسىن ازايتىپ، ەكوجۇيەنىڭ تۇراقتىلىعىن ساقتاۋعا مۇمكىندىك بەرەدى. قازاقستان ۋران وندىرۋدە الەمدىك كوشباسشى بولعاندىقتان، اتوم ەنەرگەتيكاسىن دامىتۋعا زور مۇمكىندىگى بار. بۇل حالىق پەن بيزنەس ءۇشىن ەكولوگيالىق جانە ەكونوميكالىق پايدا اكەلەدى»، – دەپ اتاپ ءوتتى ءالي بەكتايەۆ.