اۋا تازارتاتىن باللوندى كۇن استىندا قالدىرماعان ءجون – جارىلىپ كەتۋى مۇمكىن
ءاربىر ۇيدە اۋانى تازارتقىش سپرەي بار بولار. بۇرىنىراقتا ونى تەك دارەتحانادا قولداناتىن. ال ءقازىر كىرەبەرىس، قوناق ءۇي جانە جاتىن بولمەدە اۋا تازارتقىش اۆتوماتتى دوزاتورلار ءجيى قويىلادى. يىستەرى جاعىمدى، دەگەمەن، دەنساۋلىققا زيانى دا بارشىلىق. ول جايىندا رەسەيلىك رەن-تۆ ارناسىنىڭ «ەڭ پايدالى باعدارلاماسىندا» ايتىلدى، دەپ حابارلايدى Almaty-akshamy.kz ءتىلشىسى.
ءورت جانە اۋانىڭ جەتىسپەۋشىلىگى
اۋانى تازارتقىش قۇرال ورتكە سەبەپ بولۋى مۇمكىن. كەيبىر اەروزولداردا پروپان مەن بۋتاننىڭ كوپتىگى سونشالىق، ەگەر ىستىق جەردە تۇرسا، وڭاي جارىلىپ كەتۋى مۇمكىن.
رەسەيدىڭ ميرەا ۋنيۆەرسيتەتىنىڭ حيميا عىلىمدارىنىڭ كانديداتى اندرەي دوروحوۆ اۋا تازارتقىشتىڭ قۇرامىنداعى پروپان-بۋتان قوسپاسى 30 پروسەنتتەن اسپاعان جاعدايدا عانا ونىڭ ءقاۋىپسىز بولاتىنىن ەسكەرتەدى.
«ەگەر باللوننىڭ جارتىسىن جابىق كەڭىستىكتە سىعىپ الساڭىز، قوسپا اۋا شىعارا باستايدى. جابىق بولمەدە ۇزاق ۋاقىت تۇرسا، وتتەگى تاپشىلىعى پايدا بولۋى مۇمكىن»، - دەپ ەسكەرتەدى مامان.
ءقاۋىپتى بەلگىلەرى
پروپان-بۋتان قوسپاسى – جالعىز ءقاۋىپ ەمەس. قازىرگى اۋا تازارتقىشتارىنىڭ قۇرامىندا فورماگەلدەگيد، ناتريي ءنيتريتى، ەتانول، فتالات، اسەتون جانە بەنزول بار.بۇل كومپونەتتەردىڭ بارلىعى ۋلى بولىپ سانالادى. ولاردان بورتپە، جوتەل ۇستاۋى مۇمكىن.
«رەاكسياسى ءار ءتۇرلى بولادى. باستىڭ اۋىرۋى، جۇرەك اينۋدا تۇرعان اسا ءقاۋىپتى ەشتەڭە جوقتاي كورىنەدى. ءبىراق كەيىنىرەك ادام ەسىنەن تانۋى مۇمكىن»، - دەپ ءبولىستى سانيتارلىق ينسترۋكتور الەكسەي مەنشيكوۆ.
ۋلىلىعىنا تەكسەرۋ
ساپالى اۋا تازارتقىش ءقاۋىپسىز بولۋى كەرەك، جاقسى سەبىلەدى جانە جاعىمسىز يىستەردى كەتىرەدى.
«كىشىگىرىم دوزالاردا بۇل زات ءقاۋىپسىز، ءبىراق رۇقسات ەتىلگەن كونسەنتراسيادان اسقان كەزدە اۋىر ۋىتتى اسەر پايدا بولادى. جوعارى كونسەنتراسيالاردا ولىمگە اكەلۋى مۇمكىن »، - دەيدى اندرەي دوروحوۆ.
ماماندار جۇرگىزگەن زەرتتەۋلەر بويىنشا شىققان تۇجىرىم اسا قىمبات سپرەيلەردى الۋدىڭ قاجەتى جوق ەكەنىن كورسەتتى. ارزان اۋا تازارتقىشتار دا جاعىمسىز يىستەردى جويۋدا ەش كەمشىلىگى جوق. باستىسى، ولاردىڭ قۇرامىنا نازار اۋدارىپ، ينسترۋكسياسى بويىنشا قولدانۋ كەرەك. ەڭ دۇرىسى، تابيعي كومپونەنتتەر نەگىزىندە جاسالعان اروماتيزاتورلاردى، مىسالى، شوپتەردەن تۇراتىن ساشەلەر نەمەسە ءيىس شىعاراتىن اروما شامداردى پايدالانعان ابزالىراق.