10 قازان كۇنى الماتى قالالىق سوتىندا 2022 جىلى قاڭتار وقيعاسى كەزىندە الماتى اۋەجايىن باسىپ الدى دەپ ايىپتالعان بەلسەندىلەردىڭ قورعاۋشىسىنىڭ اپەللياسيالىق شاعىمى بويىنشا سوت وتىرىسى ءوتتى، دەپ حابارلايدى almaty-akshamy.kz Stan.kz سىلتەمە جاساپ
جاپپاي تارتىپسىزدىكتى ۇيىمداستىردى دەپ تانىلعان ازاماتتىق بەلسەندى، جۋرناليست ايگەرىم تىلەۋجانوۆا اۋديو-ۆيدەو فايلدارمەن بىرگە 1-دەن 64-كە دەيىنگى تومدىق ءىستىڭ دە تەرگەۋ يزولياتورىنا جەتكىزىلۋىن سۇرادى. ونىڭ ايتۋىنشا، بۇل كۋالاردىڭ ايعاقتارىندا سايكەسسىزدىكتى انىقتاپ، سوتقا كورسەتۋ ءۇشىن قاجەت.
"بارلىق كۋاگەرلەر ءوز ايعاقتارىنان باس تارتتى، كوپشىلىگى بۇل ايعاقتار تەرگەۋدىڭ قىسىمىمەن بەرىلگەنىن ايتتى. مەن ولاردىڭ سوزدەرىنەن قايشىلىقتاردى بايقادىم. №72 مەكەمەدە بۇل ءىستىڭ بارلىق تومدارى جوق. ءبىراق مەن ونى جەتكىزىپ بەرۋ تۋرالى بۇرىن ءوتىنىش بىلدىرگەنمىن"، - دەدى تىلەۋجانوۆا.
سوت ايىپتالۋشىعا يزولياتورداعى بارلىق جاعدايمەن تانىسۋعا 5 كۇن بار ەكەنىن العا تارتىپ، وتىنىشتەن باس تارتتى.
"ءسىز وسى تومداردى زەردەلەۋ تۋرالى حاتتاماعا قول قويدىڭىز. قولىڭىزدا وتىرىستاردىڭ ديسكىلەرى بار، سوتقا دەيىنگى ءوندىرىس ماتەريالدارىمەن دە تانىستىڭىز"، - دەدى سۋديا.
سودان كەيىن سوت ءىستى ءمانى بويىنشا قاراۋعا كوشتى. تىلەۋجانوۆانىڭ ادۆوكاتى اينارا ايدارحانوۆا قورعاۋشى تاراپ بۇرىن شىعارىلعان ۇكىممەن تولىق كەلىسپەيتىنىن العا تارتتى. ول تەرگەۋ جانە سوت وتىرىستارى كەزىندە قىلمىستىق-پروسەستىك كودەكستىڭ كەيبىر بۇزۋشىلىقتارىنا توقتالدى. سونداي-اق ونىڭ قورعاۋشىسى اۋەجايداعى وقيعا قارساڭىندا ارنايى ۋاقىتشا ۇستاۋ يزولياتورىندا بولعانىن جانە قالادا نە بولىپ جاتقانىنان حابارسىز بولعانىن جەتكىزدى.
"جاۋاپ الۋ كەزىندە، ياعني 3 قاڭتاردا ول ارنايى ۋاقىتشا ۇستاۋ يزولياتورىندا بولدى. ويتكەنى بۇرىن 15 تاۋلىككە قامالعانىن ايتتى. ءتىپتى ولاردى بوساتقان سوڭ قالادا توتەنشە جاعداي، ميتينگىلەر مەن كومەندانتتىق ۋاقىت بولىپ جاتقانىن ەسكەرتپەگەن"، - دەدى ايدارحانوۆا.
ونىڭ ايتۋىنشا، تىلەۋجانوۆا اۋەجايعا جۋرناليست رەتىندە بارعان. سول كۇنى ول اۋەجايدا ءجۇرۋدىڭ زاڭسىز ەكەنىن بىلمەگەن. سەبەبى وعان ەشكىم بۇل تۋرالى ەسكەرتپەگەن.
"مەنىڭ قورعاۋشىم بيلىككە نۇقسان كەلتىرۋدى ماقسات ەتكەن جوق. تىلەۋجانوۆا سول كۇنى جۋرناليستىك قىزمەتىن ورىندادى. سونىمەن قاتار پاتريارحالدى قوعامدا 35-40 ەر ادامنىڭ باسىن بىرىكتىرىپ جيناۋى مۇمكىن ەمەس. ەشقانداي باسىپ الۋ ارەكەتىن ۇيىمداستىرعان جوق. ول كەزدە اۋەجاي دا اشىق بولدى. مۇندا كۋاگەرلەردىڭ ايعاقتارى بۇرمالانىپ جازىلعان. جاۋاپ الۋ كەزىندە "شابۋىلداۋشى"، "بۇلىكشى"، "اگرەسسيۆتى توپ" دەگەن سوزدەردىڭ" ءجيى قولدانىلعانىنا سەنىمدىمىن. بەينەجازبادا اگرەسسيۆتى مىنەز-قۇلىق دالەلى جوق. جاپپاي تارتىپسىزدىكتەر، پوگرومدار، ءورت قويۋ، قارۋ قولدانۋ نەمەسە تارتىپسىزدىكتەر ۇيىمداستىرۋ فاكتىلەرى جازبالاردا كورسەتىلمەگەن. سوندىقتان بۇل تۋرالى قورىتىندىلار سوتقا دەيىنگى تەرگەۋ ورگاندارىنىڭ بولجامىنا نەگىزدەلگەن، - دەدى قورعاۋشى.
ادۆوكات الدىڭعى سوت شەشىمىنىڭ كۇشىن جويىپ، سوتتالۋشىلاردى تولىق اقتاۋدى سۇرادى. سوت بۇل ماسەلەنى 20 قازاندا قارايدى.