دۇنيەجۇزىلىك دەنساۋلىق ساقتاۋ ۇيىمىنىڭ رەسەيدەگى وكىلى مەليتا ۆۋينوۆيچ كوروناۆيرۋس پاندەمياسى كەزىندە ادامداردىڭ ءومىر ءسۇرۋ ۇزاقتىعى ەكى جىلعا قىسقارعانىن مالىمدەدى، دەپ حابارلايدى Almaty-akshamy.kz
«ددۇ ءولىم-جىتىمدى ەسەپتەۋ تۋرالى جاڭا ەسەبىن جاريالادى، ول پاندەميا كەزىندە الەمدەگى ادامداردىڭ ءومىر ءسۇرۋ ۇزاقتىعى ەكى جىلعا قىسقارعانىن انىق كورسەتەدى»، - دەدى ددۇ-نىڭ رەسەيدەگى وكىلى.
IV حالىقارالىق «Health age. بەلسەندى ۇزاق ءومىر ءسۇرۋ» كونگرەسىندە ءسوز سويلەگەن ۆۋينوۆيچ قازىرگى ۋاقىتتا ءومىر ءسۇرۋ ۇزاقتىعى 72 جارىم جىلدان 71 جاسقا دەيىن تومەندەگەنىن ايتتى. تومەندەۋ 1950 جىلدان بەرى العاش رەت بايقالعان.
ددۇ وكىلى اتاپ وتكەندەي، كوروناۆيرۋستىق ينفەكسيامەن اۋىرۋ الەمنىڭ 70 ەلىندە ءالى دە ءورشىپ تۇر. ددۇ باسشىسى تەدروس ادحانوم گەبرەيۋس بۇل مەملەكەتتەردىڭ باسىم بولىگى شەكتەۋ شارالارىن الىپ تاستاعانىنان بولىپ جاتقانىن ءتۇسىندىردى.