2024 جىلدىڭ 15 تامىزىنان باستاپ ەلىمىزدىڭ بارلىق وڭىرىندە ءورت قاۋىپسىزدىگى ايلىعى وتۋدە، دەپ حابارلايدى aqshamnews.kz.
تجم مالىمەتىنشە، ايلىقتىڭ ماقساتى - ءورت سانىن ازايتۋعا جانە ولارداعى ادامداردىڭ قازا بولۋىنا، سونداي-اق ءورت قاۋىپسىزدىگى شارالارىن كۇشەيتۋگە باعىتتالعان ءىس-شارالار كەشەنىن ىسكە اسىرۋ.
ءورت قاۋىپسىزدىگى ايلىعى اياسىندا ق ر تجم ورتكە قارسى قىزمەت كوميتەتى وسى باعىتتا اۋقىمدى كوپجوسپارلى جۇمىس جۇرگىزۋدە.
ماسەلەن، ەلىمىزدىڭ بارلىق وڭىرلەرىندە 2024 جىلعى 25 تامىز كۇنى ساعات 13:00-دەن باستاپ 14:00 ارالىعىندا ادامداردىڭ جاپپاي جينالاتىن ورىندارىندا – ءىرى ساۋدا-ويىن-ساۋىق ورتالىقتارىندا، بازارلاردا، پاۆيلونداردا، «مەچتا»، «تەحنودوم» تۇرمىستىق تەحنيكا دۇكەندەرىندە جانە ت.ب.، LED ەكراندار مەن داۋىس زورايتقىش قۇرىلعىلاردى قولدانۋمەن وقىتۋ بەينەروليكتەر جانە اۋديونى ءبىر مەزگىلدە تاراتا وتىرىپ ءورت قاۋىپسىزدىگىنىڭ ءبىرىڭعاي ساعاتى وتكىزىلدى، - دەلىنگەن مالىمەتتە.
بۇل اكسيا ورتتەردىڭ الدىن الۋعا، ادام ءولىمىنىڭ الدىن الۋعا جانە جاراقاتتانۋعا، حالىقتىڭ ءورت قاۋىپسىزدىگى سالاسىندا قۇقىقتىق سانا دەڭگەيىن ارتتىرۋعا باعىتتالعان.