اراب ەلىندە ادامدار ءبىر-بىرى اڭدي المايتىن بولدى.
بىرىككەن اراب امىرلىكتەرىنىڭ بيلىگى ەرلى-زايىپتىلاردىڭ ءبىر-بىرىنىڭ جانە وتباسى مۇشەلەرىنىڭ قايدا جۇرگەنىن زاڭسىز اڭدۋ جۇرگىزگەن تۇلعالار بۇدان بىلاي قىلمىستىق جاۋاپكەرشىلىككە تارتىلاتىنىن ەسكەرتتى. بۇل جايىندا islam.kz پورتالى The National اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
ءابۋ-دابيدىڭ سوت دەپارتامەنتى ادامداردى قاداعالاۋ نەمەسە تىڭشىلىق ءۇشىن GPS ترەكەرلەرىن پايدالانۋدىڭ زاڭعا قايشى كەلىتىنىن ەسكەرتتى، ياعني، اڭدۋدى دا ادامداردىڭ جەكە ومىرىنە قول سۇعۋمەن بىردەي ارەكەت. زاڭگەرلەر سوڭعى ۋاقىتتا قالتا تەلەفوندارىنا ادامداردى اڭدۋعا ارنالعان قوسىمشالار ورناتقاندار قاراسىنىڭ كوبەيگەنىن اتاپ ءوتتى. مۇنداي ارەكەتكە بارعان ادام كيبەرقىلمىس زاڭىندا قاراستىرىلعان تالاپتاردى بۇزعاندىقتان، كەم دەگەندە التى اي اباقتىعا جابىلادى نەمەسە 500 000 ديرحامعا دەيىن ايىپپۇل سالىنادى. جەرگىلىكتى زاڭ تالاپتارى بويىنشا GPS باقىلاۋ قۇرىلعىلارىن تەك تىركەلگەن كوممەرسيالىق كولىكتەردە پايدالانۋعا بولادى، ال جەكە تۇلعالارعا ءوز كولىكتەرىنە GPS ترەكەرلەرىن ساتىپ الۋعا نەمەسە ورناتۋعا تىيىم سالىنادى.