ءابىلحان قاستەيەۆ اتىنداعى ونەر مۇراجايىندا قۋىرشاقتار كورمەسى وتۋدە

مادەني شارانى ۇيىمداستىرۋعا رەسەيدىڭ باس كونسۋلدىعى مۇرىندىق بولعان

كورمە ادامزاتتىڭ عارىشقا ۇشقانىنا 60 جىل تولۋىنا جانە ميحايل بۋلگاكوۆتىڭ 130 جىلدىعىنا ارنالعان.  «ماڭگىلىك بىرگەمىز» اتتى قۋىرشاقتار كورمەسى بيىل بەسىنشى رەت ءوتىپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ. 

كورمەنىڭ بيىلعى تاقىرىبى – «الىس جانە جاقىن جۇلدىزدار» دەپ اتالادى.

«كورمەگە قۋىرشاق ونەرىنىڭ ءتۇرلى باعىتىن كورسەتەتىن جۇزدەن استام شەبەرلەردىڭ جانە شىعارماشىلىق بىرلەستىكتەردىڭ جۇمىستارى قويىلعان. جانە دە وسى كەزگە دەيىن وتكەن 4 جىلدىق كورمەدە قازاقستان، رەسەي، بەلگيا، بەلورۋسسيا، تۇركيا، فرانسيا سياقتى ەلدەردىڭ 120 جۋىق قۋىرشاق شەبەرلەرىنىڭ جۇمىستارى قويىلعان بولاتىن. جانە 30 000-نان استام كورەرمەندەر تاماشالاعان ەدى»، - دەيدى ءا.قاستەيەۆ اتىنداعى ونەر مۇراجايىنىڭ قىزمەتكەرى گۇلدەناي بەكباۋلييەۆا. 

«مەن باسقا سالانىڭ ادامىمىن. ءبىراق ماعان ادامداردىڭ وسىنداي ونەر تۋىندىلارىن جاساي الاتىنى قىزىق بوپ تۇر! قالاي قولدارىنان كەلەدى ەكەن؟ قۋىرشاق ارقىلى ومىرگە كوزقاراستارىن، ەموسيالارىن دا جەتكىزىپ تۇر عوي ولار»، - دەيدى كورمەگە كەلۋشى ەلامان تىلەۋبايەۆ. 

مۇندا ءار زاماننىڭ كەيىپكەرلەرى جينالعان. ءبىر قۋىرشاق ادەمى بولسا، ءبىرى قورقىنىشتى. ءبىراق ءبارى تارتىمدى.