دزيۋدودان قازاقستان ايەلدەر كومانداسىنىڭ ۇزدىگى ابيبا ءابۋجاقىنوۆا وليمپيادالىق رەيتينگتە ءۇشىنشى، الەمدىك رەيتينگتە ءتورتىنشى ورىنعا كوتەرىلدى.
48 كەلى سالماقتا سىنعا تۇسەتىن ءابيبا وليمپيادالىق رەيتينگتە 4576 ۇپايمەن ءۇشىنشى ورىندا تۇر، دەپ حابارلايدى Almaty-akshamy.kz Olympic.kz-كە سىلتەمە جاساپ.
ءبىرىنشى ورىنعا 5945 ۇپاي جيناعان اسسۋنتا سكۋتتو (يتاليا)، ەكىنشى ورىنعا 5200 ۇپايمەن ناسۋمي سۋنودا ورنالاسقان.
الەمدىك رەيتينگتە جەرلەسىمىز 5184 ۇپايمەن ءتورتىنشى ورىندا.
ايتا كەتەلىك، ءابيبا ءابۋجاقىنوۆا بيىل ءوزى قاتىسقان رەسمي تۋرنيرلەردىڭ بارىندە ۇزدىك ۇشتىككە ەندى.
پورتۋگاليادا وتكەن گران-پري تۋرنيرىندە، باكۋ مەن انتالياداعى Grand Slam تۋرنيرىندە قولا جۇلدەگەر اتانسا، تاشكەنتتەگى Grand Slam-دا كۇمىسكە قول جەتكىزدى.
ءابيبا ءابۋجاقىنوۆا دزيۋدودان قازاق قىزدارى اراسىندا الەم چەمپيوناتى مەن Grand Slam تۋرنيرلەرىنەن جۇلدە العان العاشقى سپورتشى. سونداي-اق، ول ازيا چەمپيوناتى مەن ازيا ويىندارىنىڭ كۇمىس جۇلدەگەرى.