سەمەي قالاسىنداعى ەسكى مۇسىلماندار زيراتىنان ابايدىڭ ۇستازى ريزا-ات-دين يبن ءۋاليدتىڭ بەيىتى تابىلدى.
ەرتىس وزەنىنىڭ وڭ جاعالاۋىندا تاتار ولكەسى مەن شىعىس كەنتىنىڭ اراسىندا ورنالاسقان بايىرعى مۇسىلمان زيراتىنىڭ اۋماعى 170 مىڭ شارشى مەتردى قۇرايدى، دەپ حابارلايدى Almaty-akshamy.kz.
ءبىر جىلداي بۇرىن سول اۋماققا زەرتتەۋ جۇرگىزۋگە ۇيعارىم جاسالعان ەدى. زەرتتەۋ جۇمىستارى بارىسىندا سەمەي تاريحي ورتالىق قانا ەمەس، ءدىني ورتالىق بولعانى دا انىقتالعان.
«30-عا جۋىق ءدىني قايراتكەرلەردىڭ بەيىتى تابىلدى. ولاردىڭ ىشىندە ابايدىڭ ۇستازى ريزا-ات-دين يبن ءۋاليد تە بولدى»، دەدى تاريحشى ماديار ناسىروۆ.
تاريحشىنىڭ ايتۋىنشا، احمەت پەن ريزا ەكى ءتۇرلى ادامدار بولىپ شىققان. ريزا 1876 جىلى قايتىس بولسا، احمەت، كەيبىر دەرەكتەر بويىنشا 1879 جىلى كوز جۇمعان ەكەن.