«ابايدىڭ قارا سوزدەرى» كينوجوبا رەتىندە كورەرمەنگە جول تارتادى

«ابايدىڭ قارا سوزدەرى» كينوجوباسىنىڭ ءتۇسىرىلىمى باستالدى

پرەزيدەنت تەلەراديوكەشەنى «ابايدىڭ قارا سوزدەرى» كوركەم كينوجوباسىن تۇسىرۋگە كىرىستى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.

بۇل تۋرالى پرەزيدەنت تەلەراديوكەشەنىنىڭ باسپا ءسوز قىزمەتى حابارلادى. 15 بولىمنەن تۇراتىن جوبا «ۇلتتىق كينونى قولداۋ مەملەكەتتىك ورتالىعىنىڭ» قولداۋىمەن جۇزەگە اسادى. ءتۇسىرىلىم جۇمىستارى الماتى قالاسى مەن الماتى وبلىسىنىڭ اۋماعىندا 25 قازانعا دەيىن جۇرەدى. «تەليەۆيزيا جوباسىنىڭ ءار سەرياسى تولىققاندى سيۋجەتكە قۇرىلادى.

سيۋجەتتەردە باس كەيىپكەردىڭ ءرولىن نۇرلان ءالىمجانوۆ، جان بايجانبايەۆ، ەرىك جولجاقسىنوۆ، تۇڭعىشباي جامانقۇلوۆ، ارۋجان جازىلبەكوۆا، بەرىك ايتجانوۆ، ايان وتەپبەرگەن سياقتى تانىمال قازاقستاندىق اكتەرلەر سومدايدى. 

تەلەراديوكەشەننىڭ باس ديرەكتورى راۋشان قاجىبايەۆانىڭ ايتۋىنا قاراعاندا، تەلەراديوكەشەن ۇجىمى بۇل جوباعا ۇلكەن جاۋاپكەرشىلىكپەن كىرىسىپ وتىر.

«ونىڭ فيلوسوفيا پايىمدارى مەن دانالىعى ۋاقىت وتكەن سايىن وزەكتى بولا تۇسكەن. ويشىلدىڭ «قارا سوزدەرى» قوعامنىڭ رۋحاني-مادەني ومىرىنە باعدار بەرىپ تۇر»، - دەيدى راۋشان قاجىبايەۆا.

«تەلەراديوكەشەننىڭ جاڭا جوباسى اباي الەمىن تۇسىنۋگە، قازاق حالقىنىڭ ۇلى ۇلىنىڭ بۇكىل ادامزاتپەن رۋحاني-فيلوسوفيالىق بايلانىسىن نىعايتۋعا ءوز ۇلەسىن قوسادى»، - دەپ جازادى كەشەننىڭ باسپا ءسوز قىزمەتى.