جاساندى ينتەللەكت جايىندا ءتۇرلى پىكىرلەر بار. ءبىرى وتە ءقاۋىپتى دەسە، ءبىرى ءتيىمدى پايدالانساق پايدالى تۇستارى جوق ەمەس دەيدى. دەگەنمەن ۋاقىت كەرۋەنى العا جىلجىعان سايىن مۇنى يگەرۋىمىزگە تۋرا كەلەدى. سەبەبى جاساندى ينتەللەكت دامۋىمەن بارشامىزدى تاڭقالدىرىپ كەلەدى. وسى ورايدا IT مامانى، جۋرناليست مەيىرجان اۋەلحانۇلىنا جاساندى ينتەللەكتتىڭ مۇمكىندىگى قانداي دەگەن ساۋال قويدىق. ول ابايدىڭ قارا ءسوزىن ءارى قاراي جالعاستىرا الادى دەگەن پىكىر ءبىلدىردى.
«ابايدىڭ 45 قارا ءسوزى بار. 46، 47ء-شى قارا ءسوزىن جاساندى ينتەللەكت جازا الادى دەگەن پىكىردى ايتقان بولاتىنمىن. جەلتوقساننىڭ باسىندا ۇلكەن مەديافورۋمدا ايتتىق. سەبەبى جاساندى ينتەللەكت ول ماشينالى وقىتۋ تەحنولوگياسىنا نەگىزدەلگەن. ماشينالىق وقىتۋدى بىلەسىزدەر. وسى ۋاقىتقا دەيىنگى جاساندى ينتەللەكتتىڭ جازعان ماقالاسى، سەنارييى، كىتابى بارلىعى بىزگە دەيىنگى جازىلعان مىڭداعان، ءجۇز مىڭداعان شىعارمالاردىڭ نەگىزىندە جازىلدى. تۋرا سول سياقتى ماشينالىق وقىتۋعا ءبىز ابايدىڭ 45 قارا ءسوزىنىڭ كونسەپسياسىن تۇگەل ەنگىزسەك، وندا تۋرا ابايدىڭ جازۋ مانەرىندە 46، 47ء-شى قارا ءسوزىن جازىپ شىعادى»، دەدى مەيىرجان اۋەلحان ۇلى.