2024 جىلدىڭ 4 مامىرىندا ەلىمىزدىڭ جەتەكشى پەداگوگيكالىق جوعارى وقۋ ورنى – اباي ۋنيۆەرسيتەتىندە اشىق ەسىك كۇنى ءوتتى.
ءىس-شاراعا الماتىدان جانە ەلىمىزدىڭ باسقا دا وڭىرلەرىنەن كەلگەن تالاپكەرلەر مەن ولاردىڭ اتا-انالارى قاتىستى، دەپ حابارلايدى اlmaty-akshamy.kz.
شارانىڭ نەگىزگى ماقساتى – بولاشاق ستۋدەنتتەرگە ۋنيۆەرسيتەت اتموسفەراسىنا ەنۋگە، ونىڭ ءبىلىم بەرۋ باعدارلامالارىمەن، ينفراقۇرىلىمىمەن جانە ستۋدەنتتىك ومىرىمەن تانىسۋعا مۇمكىندىك بەرۋ بولدى. ءىس-شاراعا قاتىسۋشىلار قازاقستانداعى پەداگوگيكالىق ءبىلىم بەرۋ فلاگمانى تۋرالى ماڭىزدى اقپارات الىپ، ۋنيۆەرسيتەتتىڭ ءبىلىم بەرۋ سالاسىنداعى قىزمەتىمەن تانىستى. باكالاۆريات، ماگيستراتۋرا جانە دوكتورانتۋراعا ارنالعان ءبىلىم بەرۋ باعدارلامالارى جانە ۋنيۆەرسيتەت ستۋدەنتتەرىنىڭ كاسىبي قابىلەتتەرىن شىڭداۋدىڭ بىرەگەي مۇمكىندىكتەرى ۇسىنىلدى.
اشىق ەسىك كۇنى بولاشاق ستۋدەنتتەرگە ۋنيۆەرسيتەتتىڭ اكادەميالىق جانە مانساپتىق ماقساتتارىنا قانشالىقتى سايكەس كەلەتىنىن تۇسىنۋگە قولايلى جاعداي جاسالدى. الەمدىك ستاندارتتارعا ساي ماماندار دايارلاۋعا باعىتتالعان 180-نەن استام ءبىلىم بەرۋ باعدارلامالارى، سونىمەن قاتار قوس ديپلوم جانە اكادەميالىق ۇتقىرلىق باعدارلامالارى ءبىلىم بەرۋدىڭ ءار كەزەڭىندە ءبىلىم الۋشىلاردىڭ كاسىبي ءبىلىمىن شىڭداپ، ولاردىڭ مانساپ جولىنداعى قاجەتتى داعدىلارىن دامىتۋعا ىقپال ەتەدى.
اباي ۋنيۆەرسيتەتى ءبىلىم بەرۋدىڭ جوعارى ستاندارتتارىمەن جانە وقىتۋدىڭ وزىق ادىستەمەلەرىمەن ەرەكشەلەنەدى، بەلسەندى عىلىمي زەرتتەۋلەرى مەن يننوۆاسيالىق تاسىلدەرى بار زياتكەرلىك ورتالىق بولىپ تابىلادى. حالىقارالىق ستاندارتتار مەن ەڭبەك نارىعىنىڭ تالاپتارىنا جاۋاپ بەرەتىن جاڭا فورماسياداعى پەداگوگيكالىق كادرلاردى دايارلايدى. سونىمەن قاتار، ۋنيۆەرسيتەت ەلىمىزدىڭ تۇكپىر-تۇكپىرىنەن كەلگەن مۇعالىمدەردىڭ بىلىكتىلىگىن ارتتىرۋ جانە قايتا دايارلاۋ جۇمىستارىن بەلسەندى جۇرگىزۋدە.
ءىس-شارا سوڭىندا قاتىسۋشىلار ۋنيۆەرسيتەت قىزمەتى، ماماندىق تاڭداۋ تاسىلدەرى، سونداي-اق جۇمىسقا ورنالاسۋ پەرسپەكتيۆالارى تۋرالى اقپاراتتىق جۇمىستى جوعارى باعالادى. اشىق ەسىك كۇنى جوعارى دەڭگەيدە ءوتتى. ۋنيۆەرسيتەت وكىلدەرى تالاپكەرلەر مەن ولاردىڭ اتا-انالارىنىڭ سۇراقتارىنا ەگجەي-تەگجەيلى جاۋاپ بەرىپ، ستۋدەنتتىك ءومىر مەن ءبىلىم بەرۋ باعدارلامالارى تۋرالى ماڭىزدى اقپاراتتارمەن ءبولىستى.