اباي، سەيفۋللين جانە ءال-فارابي داڭعىلدارىنداعى ورتاشا جوندەۋ جۇمىستارى اياقتالۋعا جاقىن، دەپ حابارلايدى almaty-akshamy.kz
قالاداعى نەگىزگى داڭعىلداردا كولىك قوزعالىسى بەكىتىلگەن كەستەگە سايكەس 31 تامىزعا قاراي اياقتالۋى كەرەك بولعان. الايدا جوندەۋ جۇمىستارى مەرزىمىنەن بۇرىن ياقتالادى دەپ جوسپارلانىپ وتىر.
اباي داڭعىلىندا ەكى مەردىگەر ۇيىم قاتار جۇمىس جاساپ جاتىر. باتىس باعىتتا دوستىق داڭعىلىنان روزىباكييەۆ كوشەسىنە دەيىن جوندەۋ جۇمىستارى اياقتالىپ، كولىك قوزعالىسى اشىلعان.
اباي داڭعىلىنىڭ روزىباكييەۆ كوشەسىنەن تىلەندييەۆ كوشەسىنە دەيىنگى بولىگىندە پوليمەرلى اسفالتبەتون جابىنىن توسەۋ جۇمىستارى جۇرگىزىلۋىنە بايلانىستى 10 تامىز ساعات 23-00-دەن 12 تامىز ساعات 06-00-گە دەيىن داڭعىلدىڭ سولتۇستىك جاعى تولىق جابىلاتىن بولادى. سونىمەن داڭعىلدىڭ كولىك جۇرەتىن بولىگىندە ورتاشا جوندەۋ جۇمىسارى اياقتالادى.
جابىق ۋچاسكەنى اينالىپ ءوتۋ ساتبايەۆ، كىشى اباي، تىلەندييەۆ، روزىباكييەۆ كوشەلەرى مەن ىرگەلەس كوشەلەر ارقىلى جۇزەگە اسىرىلادى. روزىباكييەۆ، تۇرعۇت وزال، برۋسيلوۆسكيي جانە تىلەندييەۆ كوشەلەرىنىڭ قيىلىستارى اشىق بولادى.
قاراسۋ، كارىموۆ جانە تۇركەبايەۆ كوشەلەرىنىڭ قيىلىسىنداعى سەزدەر بويىنشا جول ءجۇرۋ شەكتەلەدى، اينالما جول ەسەنجانوۆ كوشەسى بويىنشا ۇيىمداستىرىلادى.
سەيفۋللين داڭعىلىندا ورتاشا جوندەۋ جۇمىستارى الماتى-1 تەمىرجول ۆوكزالىنان اقان سەرى كوشەسىنە دەيىن اياقتالعان بولاتىن. ەندىگى سوڭعى بولىك اقان سەرى كوشەسىنەن رىسقۇلوۆ داڭعىلىنا دەيىنگى ۋچاسكەدە پوليمەرلى اسفالتبەتون توسەۋ جۇمىستارىنىڭ جۇرگىزىلۋىنە بايلانىستى 11 تامىز ساعات 23-00-دەن 13 تامىز ساعات 07-00-گە دەيىن داڭعىلدىڭ بويى تولىق جابىلاتىن بولادى.
جابىق ۋچاسكەنى كاسسين، رۋداكي، ارتيللەرييسكايا، جانسۇگىروۆ جانە ىرگەلەس كوشەلەر ارقىلى اينالىپ وتۋگە بولادى.
ۋسپەنسكيي، اقان سەرى كوشەلەرىنىڭ قيىلىسىندا كولىك قوزعالىسى اشىق بولادى.
ءال-فارابي داڭعىلىنداعى جولدىڭ وڭتۇستىك جاعىنداعى جول جوندەۋ جۇمىستارى تولىق اياقتالدى، ال سولتۇستىك جاعىمەن دوستىق داڭعىلىنان گاگارين داڭعىلىنا دەيىن اسفالتبەتون جابىنى توسەلدى.
اۋا-رايى قولايلى بولعان جاعدايدا 12 تامىز ساع.23:00-دەن 14 تامىز 07:00-گە دەيىن ءال-فارابي داڭعىلىنىڭ سوڭعى دۋلاتي داڭعىلىنان اسقاروۆ كوشەسىنە دەيىنگى بولىگىندە جوندەۋ جۇمىستارى جۇرگىزىلىپ، ۋاقىتشا كولىك قوزعالىسى شەكتەلەدى.
جوندەۋ اۋماعىن تورايعىروۆ جانە مۇستافين كوشەلەرىنىڭ بۇرىلىستارى مەن اينالما جولدارى ارقىلى اينالىپ وتۋگە بولادى.
جول تاڭبالارىن سالۋ جۇمىستارى اباي جانە ءال-فارابي داڭعىلدارىندا باستالدى. سەيفۋللين داڭعىلىندا جول تاڭبالارى جوندەۋ جۇمىستارى اياقتالعاننان كەيىن سالىنادى.
جول قوزعالىسىنا قاتىسۋشىلاردىڭ قاۋىپسىزدىگىن پاترۋلدىك پوليسيا قىزمەتكەرلەرى قامتاماسىز ەتەدى. جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، الماتى جول تەلەگرام ارناسىندا، سونىمەن قاتار، 2گيس جانە ياندەكس كارتا قوسىمشالارىندا قولجەتىمدى.
ەستەرىڭىزگە سالا كەتەيىك، الماتىداعى ماگيسترالدىق كوشەلەرگە جول توسەمىن توسەۋدە العاش رەت جاڭا تەحنولوگيالاردى قولدانىلدى. اسفالتبەتونداردىڭ قۇرامىندا پوليمەرلەر قولدانىلادى. مۇنداي قوسپالار توزۋعا ءتوزىمدى، جۇمسارۋ تەمپەراتۋراسى جوعارى (65-70°C)، ىستىققا توتەپ بەرىپ، الدەقايدا ۇزاعىراق قىزمەت ەتەدى. 8-10 جىل پايدالانۋعا بولادى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلىپ وتىر. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارى ۇزاعىراق پايدالانۋعا قاجەتتى شارا. مارشرۋتتى الدىن الا جوسپارلاپ الىڭىزدار.
الماتى ق. قالالىق موبيلدىلىك باسقارماسى