بۇل تۋرالى ق ر توتەنشە جاعدايلار مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
"4 تامىزدا ساعات 15:30-دا تجم-نىڭ اباي وبلىسىنداعى بولىمشەسىنە "سەمەي ورمانى" مەملەكەتتىك ورمان تابيعي رەزەرۆاتىنىڭ تەرريتورياسىندا وت شىققانى تۋرالى حابارلاما كەلىپ ءتۇستى. ءورتتى جەدەل جويۋعا جاردەم كورسەتۋ ماقساتىندا وقيعا ورنىنا اباي وبلىسى تجد كۇشتەرى مەن قۇرالدارى دەرەۋ اتتاندى"، دەلىنگەن حابارلامادا.
اۋەدەن بارلاۋ جانە سۋ توگەتىن قۇرىلعىنى قولدانا وتىرىپ، ءورتتى ءسوندىرۋ ءۇشىن ق ر قورعانىس مينيسترلىگى مەن ق ر تجم قازاۆياقۇتقارۋ تىكۇشاقتارى وقيعا ورنىنا اتتانعانى دا ناقتىلانادى.
قازىرگى ۋاقىتتا تجم مەن ورمان شارۋاشىلىعىنان تارتىلعان كۇشتەرى مەن قۇرالدارىنىڭ سانى شامامەن 130 ادامدى جانە 25 تەحنيكانى قۇرايدى.
"وقيعا ورنىنا قوسىمشا كومەك كۇشى رەتىندە استانا جانە قاراعاندى وبلىسىنان توتەنشەلىكتەر كۇشتەرى مەن تەحنيكاسىن تارتۋ ماسەلەسى قاراستىرىلۋدا"، دەپ ناقتىلايدى ۆەدومستۆودان.
رەزەرۆاتتىڭ الدىن-الا اقپاراتى بويىنشا، ءورت الاڭى شامامەن 15 گەكتاردى قۇرايدى.
توتەنشەلىكتەر حالىقتى ءورت ءقاۋىپى كەزەڭىندە وتە ساق بولۋعا شاقىرادى.
ايتا كەتسەك، ماۋسىم ايىندا اباي وبلىسىندا ورمان ورتەنىپ، 60 مىڭ گەكتار جاسىل جەلەك جارامسىز بولىپ قالدى.