اباي وبلىسىنىڭ چەكومان اۋىلىندا 12 قاڭتاردا كۇندىز جوعالىپ كەتكەن 8 جاستاعى بالا امان-ەسەن تابىلدى، دەپ حابارلايدى Aqshamnews.kz ءتىلشىسى.
بالانى ىزدەۋگە اۋىل تۇرعىندارى، پوليسيا قىزمەتكەرلەرى جانە جەرگىلىكتى اتقارۋشى ورگان وكىلدەرى جۇمىلدىرىلعان. ىزدەۋ بارىسىندا بەينەباقىلاۋ كامەرالارى شەشۋشى ءرول اتقاردى: ۋچاسكەلىك ينسپەكتور اۋىل اكىمىمەن بىرگە جازبالاردى قاراپ، بالانىڭ قوزعالىس باعىتىن انىقتاپ، ونىڭ جۇرگەن جەرىن تابۋعا كومەكتەسكەن.
پوليسيا مالىمەتىنشە، بالا بىرنەشە ساعات بويى قۇدىقتىڭ ىشىندە بولعان. ول بەتون پليتانىڭ استىنداعى وپىرىلعان تەسىكتەن ابايسىزدا قۇلاپ كەتكەن. بالانى قۇدىقتان دەنى ساۋ كۇيىندە شىعارىپ العان، مەديسينالىق كومەك قاجەت بولماعان.
بالانىڭ اناسى ىزدەۋ جۇمىسىنا قاتىسقانداردىڭ بارلىعىنا جەدەل كومەكتەرى ءۇشىن العىس ءبىلدىردى. پوليسيا بەينەباقىلاۋ جۇيەسى مۇنداي جاعدايدا باعىتتى تەز انىقتاۋعا مۇمكىندىك بەرىپ، بالانىڭ ءومىرىن ساقتاپ قالۋعا ىقپال ەتكەنىن اتاپ ءوتتى.