اباي داڭعىلىنداعى جول جۇمىستارى بەكىتىلگەن كەستەگە سايكەس جۇرگىزىلۋدە، دەپ حابارلايدى Almaty-akshamy.kz
قازىرگى ۋاقىتتا باتىس باعىتتا دوستىق داڭعىلىنان ەسەنتاي وزەنىندەگى كوپىرگە دەيىنگى جانە شىعىس باعىتتا تىلەندييەۆ كوشەسىنەن اۋەزوۆ كوشەسىنە دەيىنگى اۋماقتاردا جوندەۋ جۇمىستارى تولىق اياقتالىپ، كولىك قوزعالىسى تولىقتاي قالپىنا كەلتىرىلدى.
كەلەسى بولىك – ەسەنتاي وزەنىنەن ناۋرىزباي باتىر كوشەسىنە دەيىن. 28 شىلدە ساع.23-00-دەن 30 شىلدە 06-00-گە دەيىن داڭعىلدىڭ سولتۇستىك بەتىندە پوليمەرلى اسفالتبەتون جابىنىن توسەۋ جۇمىستارىنا بايلانىستى كولىك قوزعالىسى تولىق شەكتەلەدى.
جابىق جەرلەردى ساتبايەۆ، قۇرمانعازى كوشەلەرى ارقىلى اينالىپ وتىگە بولادى. ناۋرىزباي باتىر، بايتۇرسىنوۆ كوشەلەرى مەن سەيفۋللين داڭعىلى ارقىلى كەسىپ وتەتىن جول اشىق بولادى.
ورتالىق ستاديونعا كىرىپ، شىعاتىن جول، ماسانشى كوشەسىنەن اباي داڭعىلىنا سولتۇستىك باعىتتا بۇرىلاتىن جولدا قوزعالىس شەكتەلەدى. ساتبايەۆ جانە بايتۇرسىنوۆ كوشەلەرى ارقىلى اينالىپ وتۋگە بولادى.
جول-كولىك وقيعاسىنىڭ الدىن الۋ جانە جول قوزعالىسىن ۇيىمداستىرۋ ءۇشىن جوعارىدا اتالعان كوشە ۋچاسكەسىندە پاترۋلدىك پوليسيا قىزمەتكەرلەرى جۇمىلدىرىلادى.
جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ (@qmb_almaty) رەسمي پاراقشالارىندا، سونىمەن بىرگە، 2گيس قوسىمشاسىندا قولجەتىمدى بولادى.
ەستەرىڭىزگە سالايىق، الماتىدا العاش رەت پوليمەرلەردى پايدالانىپ، اسفالت توسەۋ جۇمىستارى جۇرگىزىلىپ جاتىر. مۇنداي قوسپالار توزۋعا ءتوزىمدى، جۇمسارتۋ تەمپەراتۋراسى جوعارى (65-70°C)، سوندىقتان ىستىققا توتەپ بەرىپ، الدەقايدا ۇزاعىراق قىزمەت ەتەدى – 8-10 جىل پايدالانۋعا بولادى.
جول جوندەۋ 2023 جىلعا جوسپارلانعان جۇمىستار اياسىندا قولعا الىنعان. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارىنىڭ بىزگە ۇزاعىراق قىزمەت ەتۋى ءۇشىن قاجەتتى شارا. جول ءجۇرۋ باعىتتارىڭىزدى الدىن الا جوسپارلاپ الۋلارىڭىزدى سۇرايمىز.