الماتىنىڭ اۋەزوۆ اۋدانىندا جىلۋ جەلىلەرىنە جوندەۋ جۇمىستارىن جۇرگىزۋ ءۇشىن اباي داڭعىلى بويىنداعى ۋچاسكەلەردىڭ بىرىندەگى اۆتوكولىك قوزعالىسىن ءىشىنارا شەكتەيدى، دەپ حابارلايدى aqshamnews.kz «الماتى جىلۋ جۇيەسى» جشس-نە سىلتەمە جاساپ.
الماتىدا جىلۋ جەلىلەرىندەگى جوندەۋ جۇمىستارى كەزىندە اباي داڭعىلى بويىمەن كولىكتەر ءجۇرۋى ءىشىنارا شەكتەلەتىن بولادى
الماتىدا 1991 جىلدان بەرى پايدالانىلىپ كەلە جاتقان قۇبىرجولىن اۋىستىرۋ ءۇشىن اباي داڭعىلى بويىنداعى كولىك قوزعالىسى شەكتەلمەك
9 تامىزداعى ساعات 23:00-دەن 12 تامىزداعى ساعات 10:00-گە دەيىن الماتىنىڭ اۋەزوۆ اۋدانىندا اباي داڭعىلى بويىمەن «Royal Petrol» جانارماي قۇيۋ بەكەتىنەن سايىن كوشەسىنە دەيىن شىعىس باعىتتا اۆتوكولىك قوزعالىسى ءىشىنارا شەكتەلەدى.
اباي داڭعىلىنىڭ سولتۇستىك جاعىندا ەكى باعىتتاعى اۆتوكولىك قوزعالىسى ۇيىمداستىرىلادى.
ۋاقىتشا شەكتەۋلەر اتالعان كوشە بولىگىنىڭ كولىك جۇرەتىن جول بولىگىنىڭ استىنان وتەتىن، 1991 جىلدان بەرى پايدالانۋعا بەرىلگەن ۇزىندىعى 1838 مەترلىك قۇبىردى قايتا جاڭعىرتۋ ۋچاسكەسىندە جوسپارلى جۇمىستاردىڭ جۇرگىزىلۋىنىڭ قاۋىپسىزدىگىن قامتاماسىز ەتۋ ءۇشىن ەنگىزىلىپ وتىر.
بۇل قۇبىر 406 كوپقاباتتى تۇرعىن ءۇيدى، 105 جەكە تۇرعىن ءۇيدى، 4 بالاباقشانى، 1 دەنساۋلىق ساقتاۋ نىسانىن جانە تاعى باسقا 6 نىساندى جىلۋمەن جانە ىستىق سۋمەن قامتاماسىز ەتەدى. جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.
