اباي اتىنداعى قازۇپۋ قازاقستان بويىنشا THE Impact Rankings 2023 جاھاندىق رەيتينگىندە كوش باستادى، دەپ حابارلايدى Almaty-akshamy.kz
2023 جىلدىڭ 1 ماۋسىمىندا Times Higher Education ءبىلىم بەرۋ ۇيىمدارىنىڭ جاھاندىق تۇراقتى دامۋ ماقساتتارىنا (تدم) قول جەتكىزۋ پروسەسىنە قاتىسۋىنا ولاردىڭ الەۋمەتتىك-ەكونوميكالىق اسەرىن باعالايتىن THE Impact Ranking 2023 ناتيجەلەرىن جاريالادى، ناتيجەسىندە اباي اتىنداعى قازۇپۋ ەكىنشى جىل قاتارىنان كوشباسشىلىعىن ساقتاپ، بيىل قازاقستان بويىنشا كوش باستادى.
جاھاندىق اسەر ەتۋ رەيتينگىندەگى جالپى ەسەپتە ۋنيۆەرسيتەت وتكەن جىلعى ناتيجەنى بەكىتىپ، قاتىسۋشىلار سانىنىڭ ارتۋى اياسىندا جالپى ۇپايدى 57،3-تەن 59،8-گە دەيىن جاقسارتا وتىرىپ، 601-800 پوزيسياسىن يەلەندى. وتكەن جىلى رەيتينگكە 1410 جوعارى وقۋ ورنى قاتىسسا، بيىل بۇل كورسەتكىش 181-گە ارتىپ - 1591 ۋنيۆەرسيتەت 112 مەملەكەتتەن، سونىمەن قاتار 15 قازاقستاندىق ۋنيۆەرسيتەتتەن قاتىسىپ وتىر.
Times Higher Education Impact Rankings ادىستەمەسى بويىنشا جالپى ۇپاي تدم 17 «تۇراقتى دامۋ مۇددەسىندەگى ارىپتەستىك» (جالپى ۇپايدىڭ 22% - نا دەيىن قۇرايدى)، سونداي-اق دەرەكتەر بەرىلگەن باسقا تدم-نىڭ ەڭ مىقتى ۇشەۋى بويىنشا (ولاردىڭ ءارقايسىسى جالپى ۇپايدىڭ 26% - نا دەيىن قۇرايدى) قالىپتاستىرىلادى.
بيىل اباي اتىنداعى قازۇپۋ بارلىق 17 تدم بويىنشا رەيتينگكە يە بولدى، ولاردىڭ 4ء-ى جالپى ۇپايعا كىردى:
تدم 5 - گەندەرلىك تەڭدىك. پوزيسيا: 1081 ۋنيۆەرسيتەتتىڭ 201-300، تدم بويىنشا ۇپايى 60.5، جالپى رەيتينگ ۇپايىنىڭ 26%. ەڭ جوعارى مانگە يە كورسەتكىش - ايەل اعا وقىتۋشىلاردىڭ ۇلەسى 99،5%، ەڭ تومەنگى كورسەتكىش - ءبىرىنشى بۋىنداعى ستۋدەنت قىزداردىڭ ۇلەسى 10،9%.
تدم 15 - قۇرلىق ەكوجۇيەلەرىن ساقتاۋ. پوزيسيا: 568 ۋنيۆەرسيتەتتىڭ 101-200ء-ى، تدم بويىنشا ۇپايى 60.5، رەيتينگتىڭ جالپى ۇپايىنىڭ 26%. ەڭ جوعارى مانگە يە كورسەتكىش - جەرگە سەزىمتال قالدىقتاردى كومۋ/جويۋ 94،4%، ەڭ تومەنگى كورسەتكىش - وسى سالاداعى زەرتتەۋلەر 10،8%.
تدم 16 - بەيبىتشىلىك، ادىلەتتىلىك جانە ءتيىمدى ينستيتۋتتار. پوزيسيا: 910 ۋنيۆەرسيتەتتىڭ 401-600ء-ى، تدم بويىنشا ۇپايى 56.7، رەيتينگتىڭ جالپى ۇپايىنىڭ 26%. ەڭ جوعارى مانگە يە كورسەتكىش - ۋنيۆەرسيتەت باسشىلىعى قابىلدايتىن شارالار 84،7%، ەڭ تومەنگى كورسەتكىش - وسى سالاداعى زەرتتەۋلەر 14%.
تدم 17 - تۇراقتى دامۋ مۇددەلەرىندەگى سەرىكتەستىك. پوزيسيا: 1625 ۋنيۆەرسيتەتتىڭ 801-1000، تدم بويىنشا ۇپايى 47.6، جالپى رەيتينگ ۇپايىنىڭ 22%. ەڭ جوعارى مانگە يە كورسەتكىش - ماقساتتى قولداۋ قاتىناستارى 87،8%، ەڭ تومەنگى كورسەتكىش - وسى باعىتتاعى زەرتتەۋلەر 26،1%.
تۇراقتى دامۋدىڭ جاھاندىق ترەندىنە اتسالىسقان ۋنيۆەرسيتەت ۇجىمىن جاڭا جەتىستىگىمەن قۇتتىقتايمىز!