اككرەديتتەۋ جانە رەيتينگتىڭ تاۋەلسىز اگەنتتىگى جىل سايىنعى تاۋەلسىز رەيتينگىن جۇرگىزدى.
اككرەديتتەۋ جانە رەيتينگتىڭ تاۋەلسىز اگەنتتىگى (ارتا) 2022 جىلى قازاقستان رەسپۋبليكاسىنداعى جوو-عا سۇرانىستىڭ جىل سايىنعى تاۋەلسىز رەيتينگىن جۇرگىزدى. رەيتينگكە قازاقستان رەسپۋبليكاسىنىڭ 35 جوعارى وقۋ ورنى قاتىستى، سونىڭ ىشىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتى ۇزدىك بەستىككە ەندى. وسىلايشا، بيىل وتكەن جىلمەن سالىستىرعاندا ۇستازدار ۇستاحاناسى ءوز كورسەتكىشىن 1631 پۋنكتكە جاقسارتىپ، پەداگوگيكالىق جوعارى وقۋ ورىندارىنىڭ ىشىندە ەلىمىزدەگى ءبىرىنشى پەداگوگيكالىق ۋنيۆەرسيتەت مارتەبەسىن راستادى، دەپ حابارلايدى Almaty-akshamy.kz ۋنيۆەرسيتەتتىڭ باسپا ءسوز قىزمەتىنە سىلتەمە جاساپ.
ينستيتۋسيونالدىق تيىمدىلىك كەڭسەسى وتكەن جىلدىڭ ناتيجەلەرىمەن سالىستىرمالى تالداۋ جۇرگىزدى، اتالعان جوو كەلەسى باعىتتار بويىنشا ءوز كورسەتكىشتەرىن ايتارلىقتاي جاقسارتا الدى.
ايتالىق، «پەداگوگيكالىق عىلىمدار» باكالاۆرياتىنىڭ سالالارى بويىنشا ينستيتۋسيونالدىق رەيتينگتە 1ء-شى ورىنعا يە بولدى.
- «مەكتەپكە دەيىنگى وقىتۋ جانە تاربيەلەۋ» ءوز كورسەتكىشتەرىن 3-ورىننان 1-ورىنعا، «ماتەماتيكا مۇعالىمدەرىن دايارلاۋ» – 2-ورىننان 1-ورىنعا؛
- «فيزيكا مۇعالىمدەرىن دايارلاۋ» – 2-ورىننان 1-ورىنعا؛
- «ينفورماتيكا مۇعالىمدەرىن دايارلاۋ» – 3-ورىننان 2-ورىنعا جاقسارتتى.
««پەداگوگيكالىق عىلىمدار» ماگيستراتۋراسىنىڭ سالالارى بويىنشا ينستيتۋسيونالدىق رەيتينگتە اباي ۋنيۆەرسيتەتى 4-ورىننان 2-ورىنعا كوتەرىلدى. ماسەلەن، «مەكتەپكە دەيىنگى وقىتۋ جانە تاربيەلەۋ» – 2-دەن 1-ورىنعا؛ «ارنايى پەداگوگيكا بويىنشا كادرلار دايارلاۋ» – 3-تەن 1-ورىنعا كوتەرىلدى»،- دەلىنگەن ۋنيۆەرسيتەت حابارلاماسىندا.
سونداي-اق، ۋنيۆەرسيتەت ءبىلىم بەرۋ باعدارلامالارىنداعى العاشقى ورىندارىن تاعى دا راستاي الدى:
باكالاۆريات بويىنشا - «باستاۋىشتا وقىتۋ پەداگوگيكاسى مەن ادىستەمەسى»؛ «العاشقى اسكەري دايىندىق مۇعالىمدەرىن دايارلاۋ»؛ «حيميا مۇعالىمدەرىن دايارلاۋ»؛ «بيولوگيا مۇعالىمدەرىن دايارلاۋ»؛ «گەوگرافيا مۇعالىمدەرىن دايارلاۋ»؛ «ورىس ءتىلى مەن ادەبيەتى مۇعالىمدەرىن دايارلاۋ»؛ «ارنايى پەداگوگيكا ماماندارىن دايارلاۋ».
ماگيستراتۋرا بويىنشا: «بيولوگيا پەداگوگتارىن دايارلاۋ»؛ «ورىس ءتىلى مەن ادەبيەتى مۇعالىمدەرىن دايارلاۋ»؛ «شەت ءتىلى مۇعالىمدەرىن دايارلاۋ»؛ «ارنايى پەداگوگيكا بويىنشا كادرلار دايارلاۋ» جانە «قۇقىق».
«پەداگوگيكالىق عىلىمدار» دوكتورانتۋرا سالالارى بويىنشا ينستيتۋسيونالدىق رەيتينگتە ۋنيۆەرسيتەتتىڭ كەلەسى ءبىلىم بەرۋ باعدارلامالارى بەلگىلەندى:
- «مەكتەپكە دەيىنگى وقىتۋ جانە تاربيەلەۋ»؛
- «حيميا ءپانى مۇعالىمدەرىن دايارلاۋ»؛
- «بيولوگيا بويىنشا پەداگوگتاردى دايارلاۋ»؛
- «گەوگرافيا ءپانى مۇعالىمدەرىن دايارلاۋ»؛
- «قازاق ءتىلى مەن ادەبيەتى مۇعالىمدەرىن دايارلاۋ»؛
- «ارنايى پەداگوگيكا بويىنشا كادرلار دايارلاۋ» 1-ورىندى يەلەندى.
جوعارىدا كورسەتىلگەندەردىڭ بارلىعىنان باسقا تۇڭعىش ۋنيۆەرسيتەتتىڭ ءبىلىم بەرۋ باعدارلامالارى كەلەسى باعىتتار بويىنشا 10 ۇزدىك باعدارلاماعا كىرە الدى:
- «ونەر جانە گۋمانيتارلىق عىلىمدار» – 8-ورىن؛
- «الەۋمەتتىك عىلىمدار، جۋرناليستيكا جانە اقپارات» – 6-ورىن؛
- «بيزنەس، باسقارۋ جانە قۇقىق» – 8ء-شى؛
- «جاراتىلىستانۋ عىلىمدارى، ماتەماتيكا جانە ستاتيستيكا» – 7-ورىن.
«اباي ۋنيۆەرسيتەتىنىڭ كەزەكتى جەتىستىگى – بۇكىل ۋنيۆەرسيتەت قاۋىمداستىعىنىڭ جوعارى كاسىبي ۇجىمىنىڭ ەڭبەگىنىڭ جەمىسى ەكەنى ءسوزسىز. جوعارىداعى جەتىستىكتەردى ەسكەرە وتىرىپ، تالاپكەرلەر دۇرىس تاڭداۋ جاساپ، تۇڭعىش ۋنيۆەرسيتەتكە وقۋعا ءتۇسىپ، ونى ءبىتىرۋ ارقىلى ساپالى ءبىلىم الىپ، عاجايىپ پەداگوگيكا الەمىنىڭ ءبىر بولىگى – ەڭ اسىل ماماندىقتىڭ وكىلدەرىنە اينالادى»،- دەلىنگەن باسپا ءسوز قىزمەتىنىڭ حابارلاماسىندا.