وتكەن جىلى اتاۋلى الەۋمەتتىك كومەك العان 50،9 مىڭ وتباسى مەملەكەتتىك قولداۋ شارالارىنىڭ ارقاسىندا كەدەيلىك جاعدايىنان شىقتى.
اتالعان كەزەڭدە جالپى سوماسى 39،5 ملرد تەڭگەگە 78،1 مىڭ وتباسىنداعى 413،7 مىڭ ادامعا ااك بەرىلدى، دەپ حابارلايدى aqshamnews.kz.
وتكەن جىلدىڭ قورىتىندىسى بويىنشا وڭىرلىك بولىنىستە ااك الۋشىلاردىڭ ەڭ كوپ سانى تۇركىستان وبلىسىندا – 15،8 مىڭ وتباسى (20،3%)، شىمكەنت قالاسىندا – 8،8 مىڭ وتباسى (11،3%)، الماتى وبلىسىندا – 6،1 مىڭ ادام وتباسى (7،8%)، قىزىلوردا وبلىسىندا – 6،4 مىڭ وتباسى (8،1%) بولدى.
ااك الۋشىلار ەڭ از وڭىرلەردىڭ ىشىندە ۇلىتاۋ وبلىسى – 363 وتباسى (0،5%)، اتىراۋ وبلىسى – 840 وتباسى (0،9%)، سولتۇستىك قازاقستان وبلىسى – 1،2 مىڭ وتباسى (1،5%).
ااك الۋشىلاردىڭ قۇرىلىمىندا باسىم كوپشىلىگى بالالاردىڭ ۇلەسىنە – 66،6% نەمەسە 275،5 مىڭ ادام؛ جۇمىس ىستەيتىن ازاماتتار – 17،8% نەمەسە 59،8 مىڭ ادام؛ بالالاردى، قارتتاردى جانە مۇگەدەكتىگى بار ادامداردى كۇتەتىن ادامدار – 12،2% نەمەسە 50،3 مىڭ ادام؛ قالعان 3،4% ازاماتتاردىڭ باسقا ساناتتارىنا تيەسىلى.
ااك-نىڭ نەگىزگى ماقساتى – اقشالاي تولەمدەر تۇرىندەگى قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.
ااك مىنالاردى كوزدەيدى:
- تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛
- تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1،5 اەك مولشەرىندە اي سايىنعى قوسىمشا تولەم بەرۋ.
- جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، وقۋعا جىبەرۋ جانە تاعى باسقالار ارقىلى جۇمىسپەن قامتۋعا جاردەمدەسۋ..
مىسالى، شىعىس قازاقستان وبلىسى وسكەمەن قالاسىنىڭ تۇرعىنى نۇرگۇل دۋانوۆا مەملەكەتتىك قولداۋ شارالارى اياسىندا وقۋدان ءوتىپ، ماماندىق الىپ، تابىستى جۇمىسقا ورنالاستى. ناتيجەسىندە نۇرگۇلدىڭ سۇيىكتى ءىسى تابىس اكەلەتىن جۇمىسقا اينالدى.
«ءبىزدىڭ ۇلكەن وتباسىمىز 2020-2024 جىلدار ارالىعىندا اتاۋلى الەۋمەتتىك كومەك الاتىن. سودان كەيىن مەن «كونديتەر» ماماندىعى بويىنشا كاسىپتىك وقىتۋ كۋرستارىنان ءوتتىم. وقۋدى اياقتاعاننان كەيىن 2024 جىلدىڭ تامىز ايىندا مەن «Happy Cake» كونديتەرلىك سەحىنا جۇمىسقا تۇردىم، وندا وسى كۇنگە دەيىن جۇمىس ىستەيمىن»، – دەدى نۇرگۇل دۋانوۆا.
2025 جىلدىڭ 1 قاڭتارىنان باستاپ ااك-كە ۇمىتكەر وتباسىلاردىڭ ماتەريالدىق جاعدايىن تەكسەرۋدى جۇزەگە اسىراتىن ۋچاسكەلىك كوميسسيالاردىڭ قىزمەتىن سيفرلاندىرۋ ءۇشىن ءموبيلدى قوسىمشا ەنگىزىلدى. بۇل شارا الەۋمەتتىك كومەك تاعايىنداۋ تۋرالى شەشىم شىعارۋ كەزىندە سىبايلاس جەمقورلىق تاۋەكەلدەرىن ازايتۋعا، سونداي-اق ءوتىنىش بەرۋشىنىڭ تۇرعىلىقتى جەرىن انىقتاۋعا جانە ونىڭ ماتەريالدىق جاعدايىن سۋرەتكە تۇسىرۋگە باعىتتالعانىن ايتا كەتەيىك.