مەملەكەتتىك قولداۋ شارالارىنىڭ ارقاسىندا 2022 جىلى اتاۋلى الەۋمەتتىك كومەك العان 100،4 مىڭ وتباسى 2023 جىلى كەدەيلىك جاعدايىنان شىقتى.
بۇل تۋرالى ەڭبەك جانە حالىقتتى الۋمەتتىك قورعاۋ مينيسترلىگى مالىمدەدى، دەپ حابارلايدى Almaty-akshamy.kz.
بۇرىن حابارلانعانداي، ااك-نىڭ نەگىزگى ماقساتى – اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.
ااك مىنالاردى كوزدەيدى:
- تابىسى وڭىرلىك ەڭ تومەنگى كۇنكورىس دەڭگەيىنىڭ 70% - نان اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛
- تابىسى از وتباسىلارداعى 1 جاستان 6 جاستى قوسا العانداعى ءار بالاعا 1،5 اەك (5 175 تەڭگە) مولشەرىندە اي سايىنعى قوسىمشا تولەم بەرۋ؛
- جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋ.
2022 جىلى ااك الۋشىلار سانى 141،5 مىڭ وتباسىن (728،7 مىڭ ادام) قۇرادى، وسى جىلدىڭ 1 تامىزىندا 102،7 مىڭ وتباسى ااك (538،9 مىڭ ادام) الدى.
وڭىرلىك بولىنىستە بيىلعى 1 تامىزداعى جاعداي بويىنشا ااك الۋشىلاردىڭ ەڭ كوپ سانى تۇركىستان وبلىسىندا – 25،1 مىڭ وتباسى نەمەسە 24،4%، شىمكەنت قالاسىندا – 11،1 مىڭ وتباسى نەمەسە 10،8%، قىزىلوردا وبلىسىندا – 8،8 مىڭ وتباسى نەمەسە 8،6%، الماتى وبلىسىندا – 8،6 مىڭ وتباسى نەمەسە 8،4%، جامبىل وبلىسىندا – 7،2 مىڭ وتباسى نەمەسە 7%، جەتىسۋ وبلىسىندا – 6،2 مىڭ وتباسى نەمەسە 6% تىركەلگەن.
ااك تاعايىنداۋلارىنىڭ ەڭ از سانى ۇلىتاۋ وبلىسىندا – 459 وتباسى نەمەسە 0،4%، اتىراۋ وبلىسىندا – 903 مىڭ وتباسى نەمەسە 0،9%، سولتۇستىك قازاقستان وبلىسىندا – 1،4 مىڭ وتباسى نەمەسە 1،3%، قاراعاندى وبلىسىندا – 1،7 مىڭ وتباسى نەمەسە 1،6% تىركەلگەن.
ااك الۋشىلاردىڭ قۇرىلىمىندا باسىم كوپشىلىگى بالالاردىڭ ۇلەسىندە – 65،9% نەمەسە 355،2 مىڭ ادام، 14،9% نەمەسە 80،1 مىڭ ادام – جۇمىس ىستەيتىن ازاماتتار؛ 13% نەمەسە 70 مىڭ ادام – بالالارعا، قارتتارعا، مۇگەدەكتىگى بار ادامدارعا كۇتىم جاسايتىن ادامدار؛ قالعان 6،2% – ازاماتتاردىڭ باسقا ساناتتارىنا تيەسىلى.
قابىلدانعان شارالاردىڭ، اسىرەسە جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋدىڭ ناتيجەسىندە 2022 جىلى اتاۋلى الەۋمەتتىك كومەك العان 141،5 مىڭ وتباسى، ءوز ءومىرىن قالىپقا كەلتىرۋ ءۇشىن بەرىلگەن مۇمكىندىكتى ءساتتى پايدالانعان 100،4 مىڭ وتباسى كەدەيلىك جاعدايىنان شىقتى.
سولاردىڭ ءبىرى وڭتۇستىك وڭىردەن كوشىپ كەلگەن، ءقازىر سولتۇستىك قازاقستان وبلىسى قىزىلجار اۋدانىنىڭ تۇرعىنى اقنيەت التىنبايدىڭ وتباسى. ەرلى-زايىپتىلار مال شارۋاشىلىعىمەن اينالىسۋعا شەشىم قابىلدادى، وسى ماقساتتا ولار ميكروكرەديت الدى.
«ءبىزدىڭ كامەلەتكە تولماعان ءتورت بالامىز بار، ءبىز ااك الۋشىلار قاتارىندا بولعان ەدىك. كۇيەۋىم مال شارۋاشىلىعىن دامىتىپ، ءوزىم دەكرەتتىك دەمالىستا جۇرگەن كەزىمدە ۇيدە پىسىرىلەتىن ۇن ونىمدەرى مەن كونديتەرلىك ونىمدەردى دايارلاۋمەن اينالىسىپ، وتباسىلىق مەرەكەلەر مەن مەيرامدارعا تاپسىرىستار قابىلدادىم. كەيىننەن مەن ورتا مەكتەپكە الەۋمەتتىك پەداگوگ رەتىندە جۇمىسقا ورنالاستىم. ناتيجەسىندە بۇگىندە وتباسىمىز ااك الۋشىلار قاتارىندا ەمەس»، – دەدى اقنيەت التىنباي.