اتاقتى سۋرەتشىلەر پابلو پيكاسسو مەن مارك شاگالدىڭ ۇرلانعان كارتينالارى جەرتولەدەن تابىلدى.
بەلگيانىڭ انتۆەرپەن قالاسىنداعى عيماراتتىڭ جەرتولەسىنەن تابىلعان پابلو پيكاسسو مەن مارك شاگالدىڭ Tête جانە L'homme en priere دەپ اتالاتىن تۋىندىلارى 2010 جىلى يزرايل ازاماتىنىڭ كوللەكسياسىنان ۇرلانعان، دەپ حابارلايدى Almaty-akshamy.kz Lenta.ru-عا سىلتەمە جاساپ.
قىلمىسكەرلەر ول ۇيدەن سۋرەتتەرمەن بىرگە 680 مىڭ دوللار تۇراتىن زەرگەرلىك بۇيىمداردى دا كەتكەن. ءبىراق سۋرەتتەر جاسىرىلعان جەردەن زەرگەرلىك بۇيىمدار تابىلعان جوق.
بەلگيانىڭ قۇقىق قورعاۋ ورگاندارى كارتينالاردى جوعالتقان ادامنىڭ شاعىمىنان كەيىن تەرگەۋدى باستادى.
قۇقىق قورعاۋشىلاردىڭ ايتۋىنشا، كۇدىكتى ەكى سۋرەتتى دە ساتقىسى كەلگەن. ودان كەيىن پوليسەيلەر ونىڭ ىزىنە ءتۇسىپ، قاماۋعا العان. ءقازىر ۇستالعان ازاماتتىڭ كارتينالاردى ۇرلاۋعا قاتىسىنىڭ بار-جوعى انىقتالىپ جاتىر. Reuters اگەنتتىگىنىڭ مالىمەتىنە قاراعاندا، ول كارتينالاردىڭ جالپى قۇنى 900 مىڭ دوللارعا باعالانىپ وتىر.