سينوپتيكتەر 9 تامىز كۇنى ەل اۋماعىندا اۋا رايى قانداي بولاتىنىن ايتتى، دەپ حابارلايدى almaty-akshamy.kz «قازگيدرومەت» رمك سىلتەمە جاساپ.
ەلىمىزدىڭ ورتالىعى پاۆلودار وبلىسىنىڭ ۇستىندەگى سيكلون رەسپۋبليكانىڭ سولتۇستىگىندە، شىعىسىندا، وڭتۇستىك-شىعىسىندا جانە ورتالىعىندا تۇراقسىز اۋا رايىنا سەبەپشى بولادى.
سونىڭ اسەرىنەن جاڭبىر جاۋادى، نايزاعاي بولادى، سولتۇستىكتە، سولتۇستىك-شىعىستا قاتتى جاڭبىر جاۋادى، جەكەلەگەن اۋدانداردا بۇرشاق جانە داۋىل كۇتىلەدى. ەلىمىزدىڭ باتىسى مەن وڭتۇستىگىندە جاۋىن-شاشىنسىز اۋا رايى ساقتالادى.
رەسپۋبليكا بويىنشا كەي جەرلەردە جەل كۇشەيەدى، وڭتۇستىكتە شاڭدى داۋىل سوعادى.
قاراعاندى، سولتۇستىك قازاقستان، پاۆلودار وبلىستارىنىڭ كەي جەرلەرىندە نايزاعاي، بۇرشاق، داۋىل كۇتىلەدى. جەل قارقىنى 15-20 م/س دەيىن كۇشەيەدى.
قاراعاندى وبلىسىندا جەل جىلدامدىعى 25 م/س جەتەدى.
تۇندە پاۆلودار وبلىسىنىڭ كەي جەرلەرىندە تۇمان بولادى.
اقمولا وبلىسىنىڭ كەي جەرلەرىندە نايزاعاي جارقىلدايدى، جەل ەكپىنى – 15-20 م/س. كۇندىز بۇرشاق جاۋىپ، داۋىل تۇرادى.
شىعىس قازاقستان وبلىسىنىڭ كەي جەرلەرىندە – نايزاعاي، بۇرشاق. سەكۋندىنا 15-20 مەتر جىلدامدىقپەن جەل سوعادى.
جامبىل وبلىسىندا كۇندىز تاۋلى اۋدانداردا نايزاعاي ويناپ، بۇرشاق جاۋادى. جەل قارقىنى – 15-20 م/س. شاڭدى داۋىل بولادى.
كۇندىز الماتى وبلىسىنىڭ كەي جەرلەرىندە كۇن كۇركىرەيدى. نايزاعاي كەزىندە جەل ەكپىنى 18-23 م/س دەيىن كۇشەيەدى.
تۇركىستان، قىزىلوردا، ماڭعىستاۋ وبلىستارىنىڭ كەي جەرلەرىندە كۇندىز جەلدىڭ كۇشى 15-20 م/س جەتەدى، شاڭدى داۋىل تۇرادى.
اتىراۋ، كۇندىز باتىس قازاقستان، قوستاناي وبلىستارىنىڭ كەي جەرلەرىندە جەل جىلدامدىعى 15-20 م/س شاماسىندا بولادى. كۇندىز اتىراۋ وبلىسىندا وتە قاتتى ىستىق ساقتالادى.
ماڭعىستاۋ وبلىسىنىڭ باسىم بولىگىندە قاتتى ىستىق، وبلىستاردىڭ وڭتۇستىگىندە وتە قاتتى ىستىق، باتىس قازاقستان وبلىسىنىڭ كەي جەرلەرىندە اپتاپ ىستىق بولادى.
قىزىلوردا، تۇركىستان، ماڭعىستاۋ، اتىراۋ، جامبىل، اقتوبە وبلىستارىنىڭ باسىم بولىگىندە، قاراعاندى، الماتى، باتىس قازاقستان وبلىستارىنىڭ كەي جەرلەرىندە، قوستاناي، شىعىس قازاقستان وبلىستارىنىڭ وڭتۇستىگىندە، اقمولا وبلىسىنىڭ جەكەلەگەن اۋداندارىندا توتەنشە ءورت ءقاۋپى ساقتالادى.