رەسپۋبليكانىڭ باسىم بولىگىندە تۇراقسىز اۋا رايى ساقتالادى.
سينوپتيكتەردىڭ بولجامى بويىنشا، 9 شىلدە كۇنى قازاقستاننىڭ بارلىق وڭىرلەرىندە جاڭبىر جاۋادى، دەپ حابارلايدى Almaty-akshamy.kz.
الماتىدا كوشپەلى بۇلت شىعادى، جاۋىن-شاشىنسىز. جەل 2-7، كۇندىز ەكپىنى سەكۋندىنا 12 مەتر. اۋا تەمپەراتۋراسى تۇندە + 24+26، كۇندىز + 36 + 38.
«وڭتۇستىك سيكلوننىڭ ىقپالىمەن رەسپۋبليكانىڭ باسىم بولىگىندە تۇراقسىز اۋا رايى ساقتالادى، كۇن كۇركىرەپ، جاڭبىر جاۋادى، باتىستا جانە سولتۇستىك-باتىستا قاتتى جاڭبىر جاۋادى. ەلىمىزدىڭ قيىر سولتۇستىگىندە عانا جاۋىن-شاشىنسىز اۋا رايى كۇتىلەدى. رەسپۋبليكا بويىنشا كەي جەرلەردە داۋىل، بۇرشاق، جەلدىڭ كۇشەيۋى، وڭتۇستىكتە جانە باتىستا شاڭدى داۋىل كۇتىلەدى»، - دەلىنگەن «قازگيدرومەت» رمك حابارلاماسىندا.