قاسىم-جومارت توقايەۆ بۇگىن رەسەيگە جۇمىس ساپارىمەن بارادى.
پرەزيدەنت قاسىم-جومارت توقايەۆ 8-9 مامىر كۇندەرى رەسەيگە جۇمىس ساپارىمەن بارادى. بۇل تۋرالى مەملەكەت باسشىسىنىڭ باسپا ءسوز قىزمەتى ءمالىم ەتى، دەپ حابارلايدى اlmaty-akshamy.kz.
«پرەزيدەنت تۆەر وبلىسىنداعى رجيەۆ مەموريالىنا بارىپ، 100ء-شى جانە 101ء-شى اتقىشتار ديۆيزيالارىنىڭ قۇرامىندا شايقاسىپ، قازا تاپقان قازاق جاۋىنگەرلەرىنىڭ رۋحىنا تاعزىم ەتەدى. رجيەۆ شايقاسى ۇلى وتان سوعىسى كەزىندەگى ەڭ ءىرى ۇرىستاردىڭ ءبىرى سانالادى».
سونىمەن قاتار مەملەكەت باسشىسى ترۋبينو دەريەۆنياسىنداعى باۋىرلاستار زيراتىنا بارادى. وندا پرەزيدەنتتىڭ اكەسىنىڭ اعاسى قاسىم بولتايەۆ تا جەرلەنگەن.
رجيەۆ تۇبىندەگى شايقاسقا قازاقستاننان 22 مىڭعا جۋىق سارباز بەن وفيسەر قاتىستى.
قاسىم-جومارت توقايەۆ 9 مامىر كۇنى رەسەي پرەزيدەنتى ۆلاديمير ءپۋتيننىڭ شاقىرۋىمەن ۇلى وتان سوعىسىنداعى جەڭىستىڭ 78 جىلدىعىنا ارنالعان پارادقا قاتىسادى. بۇل شاراعا رەسەي تاراپى تمد-عا مۇشە ەلدەردىڭ باسشىلارىن شاقىرعان.