بوران، تۇمان، كوكتايعاق
سينوپتيكتەر 2023 جىلدىڭ 9 اقپانىنا ارنالعان اۋا رايى بولجامىمەن ءبولىستى، دەپ حابارلايدى Almaty-akshamy.kz.
بولجام بويىنشا، ەلىمىزدىڭ وڭتۇستىگى، وڭتۇستىك-شىعىسى، شىعىسى، سولتۇستىگى سيكلون ىقپالىندا قالىپ وتىر.
اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە تۇراقسىز اۋا رايى قالىپتاسادى: رەسپۋبليكامىزدىڭ سولتۇستىك جارتىسىندا جاياۋ بۇرقاسىن ءجۇرىپ، قار جاۋادى، وڭتۇستىكتە، وڭتۇستىك-شىعىستا جاۋىن-شاشىن تۇسەدى دەپ كۇتىلەدى، ەلىمىزدىڭ وڭتۇستىگىندە، تاۋلى ايماقتارى مەن تاۋ بوكتەرىندە اراكىدىك قار ارالاس جاڭبىر جاۋادى، ەلىمىزدىڭ شىعىسىندا قالىڭ قار جاۋادى.
رەسپۋبليكامىز بويىنشا، سينوپتيكتەر اتاپ وتكەندەي، جەل كۇشەيىپ، تۇمان باسۋ ءجيى ورىن الادى، ەلىمىزدىڭ وڭتۇستىگىندە، وڭتۇستىك-باتىسىندا، وڭتۇستىك-شىعىسىندا كوكتايعاق بولادى دەپ كۇتىلەدى.