85 ملن تەڭگە جىمقىرعان قازاقستاندىق ۋكراينادان ەكستراديسيالاندى
ۋكراينادان قارجى پيراميداسىنىڭ جەتەكشىسى قازاقستانعا ەكستراديسيالاندى، دەپ حابارلايدى اlmaty-akshamy.kz باس پروكۋراتۋراعا سىلتەم جاساپ حابارايدى.
«ۋكراينا باس پروكۋرورىنىڭ ءوفيسى قارجى پيراميداسىن ۇيىمداستىرعان جانە باسقارعان «ك» ەسىمدى قازاقستان ازاماتىن ەكستراديسيالاۋ تۋرالى ءوتىنىشىمىزدى قاناعاتتاندىردى. تەرگەۋ بارىسىندا اتالعان ادامنىڭ 2017-2018 جىلدار كەزەڭىندە تۇرعىن ءۇي ساتىپ الۋعا جاردەمدەسۋگە ۋادە بەرىپ، قازاقستاندىق ازاماتتاردىڭ 85 ملن تەڭگەدەن استام اقشالاي قاراجاتىن الداپ العانى انىقتالدى»، - دەلىنگەن حابارلامادا.
پروكۋراتۋرانىڭ اقپاراتىنا قاراعاندا، ۇستالعان ازاماتقا حالىقارالىق ىزدەۋ جاريالانعان.
اعىمداعى جىلدىڭ قاڭتارىندا كۇدىكتىنى ۋكراينا اۋماعىندا سول ەلدىڭ قۇقىق قورعاۋ ورگاندارى ۇستادى. قازىرگى ۋاقىتتا ول استانا قالاسىنىڭ تەرگەۋ يزولياتورىنا قامالدى.