2025 جىلعى 8 مامىردا الماتىدا «تازا قازاقستان» باعدارلاماسى مەن «الماتى – ورتاق ءۇيىمىز» ناۋقانى اياسىندا ۇلى وتان سوعىسىنداعى جەڭىستىڭ 80 جىلدىعىنا ارنالعان جالپىقالالىق ەكولوگيالىق اكسيا وتەدى، دەپ حابارلايدى aqshamnews.kz
اكسيا قالانىڭ بارلىق اۋماعىندا ءوتىپ، قوعامدىق كەڭىستىكتەردى، دەمالىس ايماقتاردى، ساياباقتاردى، سكۆەرلەر مەن اۋلالاردى قامتيدى.
قالانى تازارتۋعا قالا تۇرعىندارى، ەرىكتىلەر، قۇقىق قورعاۋ ورگاندارى، ق ر قورعانىس مينيسترلىگىنە قاراستى اسكەري وقۋ ورىندارىنىڭ كۋرسانتتارى، ءماسليحات دەپۋتاتتارى، قوعام قايراتكەرلەرى، سونداي-اق، ەسترادا جۇلدىزدارى، سپورتشىلار مەن بلوگەرلەر جۇمىلادى. ولار الماتى كوشەلەرى مەن سكۆەرلەردى كوگالداندىرىپ، ۇلى وتان سوعىسى باتىرلارىنىڭ رۋحىنا تاعزىم ەتەدى.
اكسيا اياسىندا كوشەلەر مەن ساياباقتاردى سانيتارلىق تازالاۋ، باعانالار مەن قورشاۋلاردى سىرلاۋ، ارىق جەلىسىن تازارتۋ، اعاش ەگۋ، ءشوپ شابۋ، جاسىل جەلەكتەردى قالپىنا كەلتىرۋ، اعاشتار مەن بۇتالاردى سانيتارلىق ماقساتتا كەسۋ، كوگالداندىرىلعان ايماقتاردى اعىمداعى جوندەۋ جۇمىستارى سياقتى ءتۇرلى جۇمىستار جوسپارلانعان.
الماتى قالاسىنىڭ اكىمدىگى اكسيا قاتىسۋشىلارىنا اعاش كوشەتى، قولعاپ، قاپ، كۇرەك پەن تىرما بەرۋ سىندى بارلىق قاجەتتى كومەك كورسەتەدى. قاتىسۋشىلارعا ارنايى فۋتبولكالار، كەپكالار جانە «جەڭىس» ەستەلىك لەنتالارى تاراتىلادى.
سەنبىلىك 8 مامىر كۇنى تاڭعى ساعات 9:00-دە باستالادى. تومەندە قالانىڭ سەگىز اۋدانى بويىنشا نەگىزگى ورىندارى كورسەتىلگەن:
اۋەزوۆ اۋدانى: 1-ش/ا.، التىنسارين داڭعىلى (جۇبانوۆ كوشەسىنەن ۇلىقبەك داڭعىلىنا دەيىن)
الاتاۋ اۋدانى: باعانالى وردا كوشەسىندەگى سكۆەر
المالى اۋدانى: امانگەلدى كوشەسى (تولە بي كوشەسىنەن قازىبەك بي كوشەسىنە دەيىن)
بوستاندىق اۋدانى: «جاس قانات» سكۆەرى
جەتىسۋ اۋدانى: راتۋشنىي ساياباعى
مەدەۋ اۋدانى: 28 گۆاردياشى-پانفيلوۆشىلار ساياباعى
ناۋرىزباي اۋدانى: اقساي كوشەسى، «اقجار» سكۆەرى
تۇركسىب اۋدانى: نابەرەجنايا كوشەسى، 123ء-ۇي، ماياك جاعىنان
اكسيا مەرەكەلىك، تاقىرىپتىق اتموسفەرادا وتەدى: كونسەرتتەر، شەبەرلىك دارىستەرى مەن ينتەراكتيۆتى الاڭدار ۇيىمداستىرىلادى. اسكەري اندەر مەن ارداگەرلەر ەرلىگىنە ارنالعان مۋزىكالىق قويىلىمدار پاتريوتتىق رۋحتى ارتتىرىپ، ۇلى جەڭىستىڭ 80 جىلدىعىنا ارنالعان سەنبىلىكتىڭ ماڭىزىن ايقىنداي تۇسەدى.
سەنبىلىككە بيزنەس وكىلدەرى، پيك، ميب جانە ولارعا تيەسىلى اۋماقتار ءۇشىن جاۋاپتى ۇيىمدار دا قاتىسادى. كورىكتەندىرۋ ەرەجەسىنە سايكەس، ءاربىر مەنشىك يەسى اۋماعىندا ءتارتىپ ورناتىپ، قاسبەتتەردى جوندەپ، تازالىقتى قامتاماسىز ەتۋگە مىندەتتى. كورىكتەندىرۋ ءتولقۇجاتى وسى جاۋاپكەرشىلىكتى بەكىتىپ، مەنشىك يەسىنىڭ الەۋمەتتىك ءرولىن كۇشەيتەدى.
قالا تۇرعىندارىنا ىڭعايلى بولۋ ءۇشىن سەنبىلىك وتەتىن ورىندارعا «بايقوڭىر» مەترو بەكەتىنەن ارنايى اۆتوبۋس قاتىنايدى: https://2gis.kz/almaty/geo/9430094738574967